Siaredni pamier dapamohi pa biespracoŭi ŭ Minsku na 1 kastryčnika składaŭ 185,2 tysiačy rubloŭ,paviedamili ŭ kamitecie pa pracy, zaniataści i sacyjalnaj abaronie Minharvykankama.
Na 1 krasavika siaredni pamier dapamohi pa biespracoŭi składaŭ 136,9 tys. rubloŭ, na 1 maja — 150,8 tys. rubloŭ, na 1 červienia — 181,4 tys., na 1 lipienia — 190,4 tys. rubloŭ, na 1 žniŭnia — 190,7 tys. rubloŭ, na 1 vieraśnia — 232,5 tys. rubloŭ.
Dla paraŭnańnia: z 1 žniŭnia raźlikovaja vieličynia biudžetu pražytačnaha minimumu ŭ siarednim na dušu nasielnictva składaje 843,9 tys. rubloŭ u miesiac. Dapamohu ŭ studzieni—vieraśni atrymlivali 5.197 biespracoŭnych.
Za studzień—vierasień 2012 hoda za sadziejańniem u pracaŭładkavańni źviarnułasia bolš čym 16.600 čałaviek. Na pastajannuju abo časovuju pracu ŭładkavany 10.534. Ź ich 5.463 biespracoŭnyja atrymali pastajannuju pracu. Pracaŭładkavana asob, abaviazanych kampiensavać raschody, zatračanyja dziaržavaj na ŭtrymańnie dziaciej, — 413, akazana finansavaja padtrymka biespracoŭnym u vyhladzie subsidyj dla arhanizacyi pradprymalnickaj dziejnaści — 171.Na 1 kastryčnika ŭ stalicy ŭ słužbie zaniataści byli zarehistravany 2.363 biespracoŭnyja.
Na časovuju pracu ŭ volny ad vučoby čas hoda pry sadziejańni słužby zaniataści ŭładkavana 3.278 studentaŭ i školnikaŭ. Kansultacyi pa pytańniach prafiesijnaj padrychtoŭki, pierapadrychtoŭki i pavyšeńnia kvalifikacyi atrymali 6.668 čałaviek, arhanizavana navučańnie 965 čałaviek. U hramadskich rabotach uziali ŭdzieł 3.336 čałaviek, u tym liku 2.269 biespracoŭnych.
Kolkaść zajaŭlenych vakansij na pradpryjemstvach horada na 1 kastryčnika skłała 24.686, u tym liku dla rabočych — 18.796.
Za studzień—vierasień 2012 hoda zarehistravana kala 149 tys. zvarotaŭ spašukalnikaŭ pracy da elektronaha banku vakansij u adździełach pracaŭładkavańnia i kala 8 młn. zvarotaŭ da elektronnaha banka vakansij, raźmieščanaha na sajcie Minharvykankama.
Pavodle źviestak kamiteta,
najbolš zapatrabavanymi śpiecyjalistami ŭ Minsku źjaŭlajucca vadzicieli aŭtamabilaŭ (1.067 vakansij), rabočyja pa kompleksnym prybirańni (409), hruzčyki (411), mulary (692), kanduktary (345), malary (599), cieślary-bietonščyki (402), pradaŭcy (544), šviei (376), tynkoŭščyki (570), uračy-śpiecyjalisty (547), miedsiostry (893).