U Biełarusi i Rasii pakul roznyja pohlady na abjomy pastaŭki rasijskaj nafty ŭ 2013 hodzie, zajaviŭ žurnalistam pasoł RF Alaksandr Surykaŭ 18 kastryčnika ŭ Minsku.
Pavodle jaho słoŭ, bałansy na 2013 hod «jašče tolki padlahajuć razhladu». «Biełaruś havoryć pra adny ličby — na moj pohlad, heta 23 miljony ton nafty i niejki abjom naftapraduktaŭ. Ale heta — pradmiet surjoznaha abmierkavańnia. U Rasii krychu inšy punkt hledžańnia», — skazaŭ pasoł.
Jon zaznačyŭ, što bałansy pastavak nafty i naftapraduktaŭ u miežach Sajuznaj dziaržavy buduć zaćvierdžany ŭ śniežni 2012 hoda na pasiadžeńni sajuznaha ŭrada.
Na prośbu prakamientavać niadaŭniuju zajavu rasijskaj kampanii «Transnafta» ab tym, što jaje techničnyja mahčymaści dazvalajuć u 2013 hodzie pastavić u Biełaruś 18 miljonaŭ ton nafty, Surykaŭ zajaviŭ: «Heta „Transnafta“ zajaviła. Ale „Transnafta“ — heta prosta jak vykanaŭca bałansavaj voli, ci što. Jana ŭ stanie na hetym etapie pierapampavać 18 miljonaŭ ton, ale jość i inšyja vidy transpartu — čyhunačny i hetak dalej».
Charaktaryzujučy
Pry hetym pasoł źviarnuŭ uvahu, što sioleta pastaŭki naftapraduktaŭ ź Biełarusi ŭ Rasiju amal nie ažyćciaŭlalisia.