Łukašenka vyzvaliŭ
Na pasadu načalnika UVKR pryznačany pałkoŭnik Alaksandr Nazaranka. Były kiraŭnik upraŭleńnia A.Zacharaŭ zaličany ŭ rasparadžeńnie staršyni KDB. Infarmacyja pra heta apublikavana na sajcie Nacyjanalnaha centra pravavoj infarmacyi.
Alaksandr Nazaranka naradziŭsia 31 lipienia 1962 u Homielskaj vobłaści. U 1988 — 1993 hh. prachodziŭ słužbu na aficerskich pasadach u asablivych adździełach KDB pa vajskovych padraździaleńniach Dalokaŭschodniaj vajskovaj akruhi ŭ Rasbi.
U 1993 — 1995 hh. — va ŭpraŭleńni vajskovaj kontrraźviedki KDB Respubliki Biełaruś. U 1995 — 2002 hh. — u Słužbie biaśpieki prezidenta Biełarusi.
U 2002 — 2003 hh. uznačalvaŭ upraŭleńnie ŭłasnaj biaśpieki MUS Biełarusi. Paśla słužyŭ načalnikam Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS Respubliki Biełaruś.
U 2008 — 2009 hh. — namieśnik načalnika Akademii MUS Biełarusi. Ź listapada 2009 h. — namieśnik načalnika kamandavańnia vajskovaj kontrraźviedki KDB Respubliki Biełaruś.
Uznaharodžany miedalami «Za biezdakornuju słužbu» 2 i 3 stupieni, «Za adznaku ŭ vajskovaj słužbie», a taksama polskim srebranym miedalom «Za zasłuhi pierad palicyjaj». Adznačany padziakaj Alaksandra Łukašenki.