U Bataničnym sadzie — «Vosieński bluz» 1

U minskim Centralnym bataničnym sadzie 20 kastryčnika z 12.00 da 16.00 budzie arhanizavana śviatočnaja prahrama «Vosieński bluz»,

paviedamiła zahadčyca infarmacyjna-aśvietnickaha siektara sada Alena Sakurenka.

Pavodle jaje słoŭ, słuchačam buduć prapanavanyja «vosieńskaja ramantyka duchavoha kvinteta, listapad bluzu i džazu ad «Hrand-benda».

U ekspazicyjnaj aranžarei ekskursavody ŭ 12.00, 14.00 i 15.30 raskažuć pra raśliny subtropikaŭ i tropikaŭ. Dla amataraŭ archidej arhanizujuć majsterniu pa navučańni dahladu za hetymi kvietkami.

Upieršyniu ŭ bataničnym sadzie adbudziecca Dzień adčynienych dźviarej u limanaryi — va ŭnikalnaj aranžarei cytrusavych raślin. Pry najaŭnaści bileta ŭ sad uvachod u limanaryj budzie biaspłatnym. Naviedvalniki zmohuć ubačyć pładanosnyja mandaryny, apielsiny, hrejpfruty, limony z 12.30 da 15.30.

Adbudziecca taksama defile ŭdzielnikaŭ haradskoha ekałahičnaha konkursu fłarystyčnych vosieńskich uboraŭ. Sakurenka zaznačyła, što častavańniem dla ŭsich achvotnych budzie biaspłatnaja harbata, nastojenaja na ziołkach, vyraščanych u sadzie.

Uvachodny bilet kaštuje 20.000 rubloŭ, ilhotny (dla školnikaŭ, studentaŭ i piensijanieraŭ) — 10.000 rubloŭ. Bilet u ekspazicyjnuju aranžareju — 10.000 rubloŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH