Namieśnikam staršyni savieta respubliki nacyjanalnaha schodu 5-ha sklikańnia abrany Anatol Rusiecki. Za jaho kandydaturu siońnia prahałasavali bolšaść sienataraŭ na pasiadžeńni pieršaj siesii savieta respubliki novaha sklikańnia.

Anatol Maksimavič Rusiecki źjaŭlajecca staršynioj Prezidyuma Nacyjanalnaj akademii navuk Biełarusi. Jon naradziŭsia 14 lutaha 1951 h. ŭ Barysavie. Skončyŭ Biełaruski politechničny instytut (1973). Zajmaŭ pasadu dyrektara zavoda «Elektronmaš» pry KBTEM NVA «Płanar», prezidenta dziaržaŭnaha navukova-vytvorčaha kancerna dakładnaha mašynabudavańnia «Płanar» — dyrektara zavoda «Elektronmaš», namieśnika i pieršaha namieśnika ministra pramysłovaści, staršyni Kamiteta pa navucy i technałohijach pry Saviecie ministraŭ. U 2003–2009 hadach byŭ ministram pramysłovaści. Sa śniežnia 2009 hoda kiravaŭ Instytutam ciepła-i masaabmienu imia Łykava NAN Biełarusi. Sa śniežnia 2010 hoda — staršynia Prezidyuma Nacyjanalnaj akademii navuk Biełarusi.

Anatol Rusiecki źjaŭlajecca doktaram techničnych navuk (2000), prafiesaram (2004). Aŭtar bolš za 70 navukovych prac, 12 aŭtarskich paśviedčańniaŭ, uładalnik Dziaržaŭnaj premii Respubliki Biełaruś u halinie navuki i techniki (1996), uznaharodžany miedalami, Hanarovaj hramataj Savieta Ministraŭ Respubliki Biełaruś.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?