Bierłuskoni: Ja nie mieŭ intymnaj suviazi z hetaj žančynaj 6

Były prem'jer-ministr Italii Silvia Bierłuskoni, vystupajučy na ​​sudovym pracesie ŭ Miłanie, adkinuŭ abvinavačvańni ŭ intymnaj suviazi ź niepaŭnaletniaj prastytutkaj z Maroka Karymaj El-Machruh, viadomaj taksama jak Rubi.

U svaich pakazańniach Bierłuskoni zajaviŭ, što ŭ jaho domie nikoli nie adbyvałasia nijakich «scen seksualnaha charaktaru».

Skandał pačaŭ razharacca ŭ pačatku 2011 hoda z-za viečarynak z eratyčnymi tancami «bunha-bunha» na vile byłoha prem'jer-ministra.

Śledstva miarkuje, što ŭ Bierłuskoni i jaho haściej mahli być seksualnyja adnosiny z udzielnicami viečarynak, mnohija ź jakich byli prastytutkami, u tym liku niepaŭnaletnimi.

Bierłuskoni zajaviŭ u sudzie, što vyraz «bunha-bunha» nie maje seksualnaj afarboŭki i zasnavany na jaho žarcie, kaliści vymaŭlenym u kole siamji.

Adkazvajučy na ​​abvinavačvańnie ŭ złoŭžyvańni ŭładaj z metaj vyzvaleńnia z-pad aryštu žančyny, viadomaj pad imiem Rubi, aryštavanaj za kradziež, Bierłuskoni admaŭlaŭ, što kali-niebudź akazvaŭ cisk na miłanskuju palicyju.

Bierłuskoni, jakomu 76 hadoŭ, abvinavačvajecca ŭ tym, što ŭ 2010 hodzie jon apłačvaŭ intymnyja pasłuhi niepaŭnaletniaj marakanskaj tancorki Karymy Machruh, jakaja viadomaja ŭ Italii pad psieŭdanimam Rubi Rubakuory i jakoj tady było 17 hadoŭ.

Jon zajaviŭ sudu, što ličyŭ, što joj 24 hady, jak jana sama śćviardžała. «Ja nikoli nie mieŭ intymnych adnosin ź joj», — skazaŭ Bierłuskoni.

Karyma Machruh zaŭsiody admaŭlała seksualnyja adnosiny ź italjanskim premjeram.

Bierłuskoni, jaki pajšoŭ u adstaŭku ŭ suviazi ź finansavym kryzisam u Italii ŭ listapadzie minułaha hoda, jak śćviardžajecca, telefanavaŭ supracoŭnikam palicyi ŭ Miłanie, patrabujučy vyzvaleńnia dziaŭčyny pad toj padstavaj, što jana nibyta źjaŭlajecca unučkaj tahačasnaha prezidenta Jehipta Chośni Mubaraka.

Bi-Bi-Si

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH