18 kastryčnika supracoŭniki minskaj milicyi zatrymali zbytčykaŭ psichatropnych rečyvaŭ. Maładyja ludzi pradavali svoj tavar prama na stadyjonie adnaho sa staličnych kaledžaŭ.
Ich patencyjalnymi pakupnikami pavinny byli stać studenty i padletki.

Jak paviedamili ŭ HUUS Minharvykankama, 18 kastryčnika ŭ 16.40 padčas praviadzieńnia zaklučnaj stadyi kompleksu apieratyŭna-vyšukovych mierapryjemstvaŭ supracoŭnikami ŭpraŭleńnia pa narkakantroli i supraćdziejańni handlu ludźmi (UNISHŁ) HUUS i Leninskaha RUUS pry siłavoj padtrymcy bajcoŭ milicejskaha śpiecnaza byli zatrymany dvoje maładych niepracujučych minčan. Pry asabistym ahladzie ŭ ich znajšli 68 padrychtavanych dla realizacyi pakiecikaŭ ź psichatropam.

Pieršapačatkova apieratyŭnikam UNISHŁ HUUS pastupiła infarmacyja ab tym, što dvoje maładych ludziej arhanizavali sietku pa raspaŭsiudžvańni spajsu. Siarod ich klijentaŭ byli studenty i padletki.

Pry praviercy atrymanaja infarmacyja paćvierdziłasia. Apieratyŭniki vyśvietlili, što ŭ handlaroŭ užo sfarmiravałasia peŭnaje koła pastajannych klijentaŭ. Pryčym heta sietka pieryjadyčna papaŭniałasia siabrami i znajomymi ŭžo najaŭnych spažyŭcoŭ. Apošnim časam pradaŭcy spajsu imknulisia pašyryć maštaby raspaŭsiudžvańnia i prapracoŭvali mahčymaści raźmiaščeńnia adpaviednym čynam zakanśpiravanych abjaŭ u sacyjalnych sietkach internetu.

Zbytčykaŭ zatrymali z dokazami złačynstva. U peŭny čas jany prybyli na pryvyčnaje miesca — stadyjon adnaho ź minskich kaledžaŭ. Paśla zatrymańnia padčas asabistaha ahladu ŭ adnaho z maładych ludziej byŭ znojdzieny i kanfiskavany 61 pakiecik, u druhoha — 7 pakiecikaŭ. Kožny pakiecik masaj 0,6 hrama pradavaŭsia pa 150 tysiač rubloŭ. Pavodle zaklučeńnia ekśpiertaŭ, kanfiskavanyja sumiesi adnosiacca da katehoryi asabliva niebiaśpiečnych psichatropnych rečyvaŭ.

Zatrymanyja źmieščany ŭ izalatar časovaha ŭtrymańnia. U dačynieńni da ich raspačata sprava pavodle č. 3 art. 328 Kryminalnaha kodeksa (niezakonny abarot narkatyčnych srodkaŭ, psichatropnych rečyvaŭ i prekursoraŭ). Kryminalnaje zakanadaŭstva Biełarusi praduhledžvaje pakarańnie pa hetym artykule ŭ vyhladzie pazbaŭleńnia voli terminam ad 8 da 12 hadoŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?