Prem'jer-ministr Biełarusi Michaił Miaśnikovič abmierkavaŭ siońnia ŭ Minsku na sustrečy ź ministram enierhietyki Rasii Alaksandram Novakam pierśpiektyvy pastavak enierharesursaŭ u Biełaruś.

Kiraŭnik urada prapanavaŭ abmierkavać pytańni pastavak nafty ŭ čaćviortym kvartale i na 2013 hod.

Pry hetym jon adznačyŭ, što ŭ Biełarusi pryniaty ŭžo asnoŭnyja prahnoznyja pakazčyki sacyjalna-ekanamičnaha raźvićcia krainy na budučy hod. Abiedźvie pałaty parłamienta zaćvierdzili biudžet 2013 hoda, ciapier jon znachodzicca na razhladzie ŭ Prezidenta. «My zakładvali davoli vialikija abjomy ŭ biudžet, u tym liku i pa naftachimičnamu kompleksu, — adznačyŭ Michaił Miaśnikovič. —
U nas heta nie prosta naftapierapracoŭka, heta poŭny technałahičny cykł, chimija». Tamu heta tema bačycca davoli aktualnaj.

Prem'jer-ministr pry hetym padkreśliŭ, što ciapier «niama nijakich pytańniaŭ, źviazanych z kuplaj elektraenierhii». Jon padkreśliŭ, što ź Ministerstvam enierhietyki Rasii biełaruski bok zaŭsiody imkniecca padtrymlivać kanstruktyŭnyja adnosiny. «Chaciełasia b, kab dobryja, daviernyja adnosiny zachavalisia», — skazaŭ Michaił Miaśnikovič, źviartajučysia da novaha ministra enierhietyki Rasii. Jon pavinšavaŭ jaho z naznačeńniem na pasadu kiraŭnika Elektraenierhietyčnaha savieta SND.

Pry hetym premjer padkreśliŭ važnaść i asablivaść adnosin Biełarusi z Rasijaj. «Dla Biełarusi Rasija — heta mnohaje, heta bolš, čym dvuchbakovyja adnosiny, heta brackija adnosiny, — skazaŭ jon. —
Jak ni kažy, jak ni ažyćciaŭlaj dyviersifikacyju rynku, usio roŭna rynak Rasii dla nas pryjarytet, vialikaja jomistaść, tut narmalna vybudoŭvajucca roznyja handlova-łahistyčnyja schiemy. Dumaju, u enierhietycy heta taksama prysutničaje».-
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?