Hałoŭnym nastupstvam jaho mohuć stać daterminovyja prezidenckija vybary, jakija, pavodle spadara Usa, adbuducca ŭžo ŭ 2014 hodzie.

Dźmitryj Us ličyć, što naprykancy 2013 hoda Biełaruś trapić u skryžavańnie cełaha šerahu akaličnaściaŭ:

«Rasija ŭstupiła va Suśvietnuju handlovuju arhanizacyju. U nastupnym hodzie Biełaruś musić viarnuć čatyry miljardy dalaraŭ za raniej uziatyja kredyty. Rasija spyniaje, možna tak skazać, kantrabandny vyvaz naftapraduktaŭ ź Biełarusi ŭ krainy ES. U nas vielmi vialiki adtok pracoŭnaj siły ŭ Rasijskuju Fiederacyju. Inviestycyj niama. A paśla historyi z „Kamunarkaj“ i „Spartakom“ ich tym bolš nie budzie. Ahrarny siektar i lohkaja pramysłovaść zrujnujucca z-za niekankurentazdolnaści. Tamu kaniec 2013 hoda stanie dla biełaruskaha režymu ekanamičnym kracham».

Spadar Us kaža, što, uličvajučy hetyja akaličnaści, jon i jahonyja prychilniki zaviaršajuć padrychtoŭku kancepcyi raźvićcia Biełarusi:

«Užo stvoranaja Kancepcyja raźvićcia Biełarusi. Zaraz jana dapracoŭvajecca. I bližejšym časam my jaje ahučym. Vy pra heta pačujecie. Jana praktyčna hatovaja. Zaraz idzie tolki ŭdakładnieńnie niekatorych pytańniaŭ. Palitołahi hetym zajmajucca».

Były kandydat u prezidenty kaža, što jahonyja prahnozy pra kryzis uziatyja nie sa stoli:

«Va Ŭściuhu chutka adkryvajecca naftapierapracoŭčy zavod, jaki dazvolić rasijcam niepasredna pierapracoŭvać naftu i pradavać pradukty ź jaje ŭ ES. Atrymlivajecca, što zavody ŭ Navapołacku i Mazyry stanoviacca faktyčna niepatrebnymi rasijcam.

Vielmi šmat novych pytańniaŭ uźnikaje ŭ suviazi z dałučeńniem Rasii da SHA. My zaraz hetym zajmajemsia.

I bačym, što ŭ sielskaj haspadarcy, asabliva pa miasie ptušak i śvininie, Biełaruś stanovicca niekankurentazdolnaj. Z taho ž Kitaja pryviazuć kurania, jakoje ŭ čatyry razy tańniejšaje za naša.

Biełaruś nie hatovaja da rynku. U nas pryvykli da manapolii i žorstkaj centralizacyi. Ale zaraz hetaha nie budzie».

Biełaruskaja apazicyja ciapier tolki pačynaje pieramovy pra padrychtoŭku da prezidenckich vybaraŭ, jakija pavodle Kanstytucyi pavinny adbycca ŭ 2015 hodzie. Jana spaźniajecca, zajaŭlaje Dźmitryj Us:

«Apazicyja, jakaja rychtujecca da vybaraŭ u 2015 hodzie, na ich prosta nie trapić. Bo vybary prezidenta adbuducca ŭ 2014 hodzie, a moža, navat i ŭ 2013-m».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?