Žychary Uručča aburanyja jakaściu ramontu parkoŭki kala ŭniviersama «Rubloŭski» pa vulicy Uruckaja, 11, a, praviedzienaha UP «Ramaŭtadar Pieršamajskaha rajona Minska».

Pra heta paviedamiła kiraŭnik pres-słužby hramadzianskaj kampanii «Deputataŭ — da adkazu!» Volha Burnievič.

Pavodle jaje słoŭ, ramont parkoŭki vykanany «chałturnym» sposabam. «Zamiest paŭnacennaj układki asfaltu ci toŭstaha słoju kamieniu, jamy i kałdobiny zasypali tonkim słojem ziamli ŭpieramiešku z kamieniem. Pry hetym taki cuda-piasok padsypali tolki ŭ pačatku parkoŭki, astatniaja častka ŭčastka zastałasia naohuł niekranutaj. U vyniku raskoliny, jamy i kałdobiny tak i zastalisia. Taksama jašče bolš aktualnym stała pytańnie ŭtvareńnia łužyn i brudu padčas daždžoŭ», — raskazała Burnievič.

Akramia taho jana paviedamiła, što aktyvist hramadzianskaj kampanii «Deputataŭ — da adkazu!» Siarhiej Klujeŭ takoje vykanańnie ramontu ličyć niezdavalniajučym i źbirajecca pradoŭžyć pierapisku z kamunalnikami, a taksama źviarnucca pa dapamohu da svajho deputata Hienadzia Baruški.

U mai hetaha hoda aktyvist kampanii «Deputataŭ — da adkazu!» pa Uruckaj akruzie № 51 Siarhiej Klujeŭ sabraŭ bolš jak 100 podpisaŭ siarod miascovych žycharoŭ pad kalektyŭnaj skarhaj na avaryjny stan aŭtaparkoŭki kala «Rubloŭskaha». «Čatyry miesiacy miascovaja ŭłada adpisvałasia abiacańniami vyrašyć pytańnie, ale da spravy tak i nie dachodziła. Momant iściny nastaŭ tolki ŭ pačatku kastryčnika — „Ramaŭtadar“ paviedamiŭ Klujevu pra paśpiachova vykananuju pracu, jakaja, jak stała viadoma, abmiežavałasia ścipłym kaśmietyčnym „ramontam“ prablemnaj terytoryi», — skazała Burnievič.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?