Minskaja milicyja raźličvaje na dapamohu hramadzian u vyšuku maładoha čałavieka, jaki napaŭ na žančynu ŭ Leninskim rajonie stalicy.

Jak paviedamili ŭ HUUS Minharvykankama, 17 kastryčnika nieviadomy ŭčyniŭ napad na žančynu. Złamyśnik nie zatrymany. U milicyi jość padstavy mierkavać, što jon moža paŭtaryć svaje dziejańni.

Napad adbyŭsia prykładna ŭ 16.45 kala doma № 17 pa vulicy Nachimava. Nieviadomy małady čałaviek padyšoŭ zzadu da 48-hadovaj minčanki i abchapiŭ jaje za šyju. Kali paciarpiełaja stała vyryvacca, jon nanios joj niekalki ŭdaraŭ pa hałavie niejkim pradmietam. Paśla napadu nieviadomy ŭciok.

Padčas praviadzieńnia apieratyŭna-vyšukovych mierapryjemstvaŭ u rasparadžeńnie supracoŭnikaŭ kryminalnaha vyšuku pastupiła videa z kamier videanazirańnia (znachodzicca na sajcie HUUS Minharvykankama), raźmieščanych u rajonie ŭčynieńnia złačynstva.

U abjektyŭ trapiŭ niejki małady čałaviek, jaki praśledavaŭ žančynu. Ź vialikaj dolaj vierahodnaści možna havaryć ab tym, što hety małady čałaviek moža być złamyśnikam, a ŭ momant jaho fiksacyi videakamierami jon adšukvaŭ mahčymy abjekt dla ŭčynieńnia złačynstva.

Na padstavie pakazańniaŭ śviedak, paciarpiełaj, infarmacyi z kamier videanazirańnia składzieny prykmiety złamyśnika: na vyhlad 20–27 hadoŭ, chudarlavaha ciełaskładu, ščoki ŭpałyja, rost 175–178 sm, vałasy pramyja ciomna-rusyja karotkija.

Na pachodku varta źviarnuć asablivuju ŭvahu. Pry chadzie jon sutulicca, chodzić pieravalvajučysia z nahi na nahu, stupni pry hetym šyroka paviernuty, kiści ruk trymaje ŭ advisłym stanoviščy.

Byŭ apranuty: kurtka karotkaja ciomna-šeraha ci čornaha koleru z płaščavoj tkaniny, na kurtcy ŭ vobłaści hrudziej źleva i na śpinie ŭviersie jość našyŭka avalnaj formy ŭ vyhladzie značka biełaha koleru, tufli (krasoŭki padobnyja na tufli) čornaha koleru ŭ vuzkimi nasami.

Supracoŭniki milicyi źviartajucca da ŭsich, chto moža paznać vyjaŭlenaha maładoha čałavieka, nieadkładna paviedamić u HUUS Minharvykankama. Kantaktnyja telefony: (017) 200-60-36, (029) 356-02-02, (029) 381-04-19 abo 102. Kanfidencyjnaść harantujecca.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?