Ab hetym było zajaŭlena na pašyranym pasiadžeńni praŭleńnia Nacyjanalnaha banka, jakoje prajšło 19 kastryčnika ŭ Horkach (Mahiloŭskaja vobłaść) z udziełam pradstaŭnikoŭ Kamiteta dziaržaŭnaha kantrolu, Asacyjacyi biełaruskich bankaŭ, šerahu ministerstvaŭ i viedamstvaŭ, bankaŭ.

Jak paviedamlaje ŭpraŭleńnie infarmacyi Nacbanka, situacyja na valutnym rynku farmirujecca pad uździejańniem źniešniehandlovych i finansavych patokaŭ. Čysty prodaž valuty subjektami haspadarańnia ŭ studzieni-vieraśni skłaŭ 1,3 młrd. dołaraŭ ZŠA. Pry hetym subjektami było pradadziena 17,3 młrd. dołaraŭ ZŠA, kuplena — 15,9 młrd. dołaraŭ ZŠA. Na najaŭnym rynku popyt na valutu ŭzros z pačatkam pieryjadu adpačynkaŭ i pavieličeńniem hrašovych dachodaŭ nasielnictva. U vyniku za try kvartały hetaha hoda hramadzianie kupili ŭ bankaŭ najaŭnaj valuty na 569,4 młn. mienš, čym pradali. U cełym na ŭnutranym valutnym rynku za studzień-vierasień prapanova zamiežnaj valuty pieravysiła popyt na jaje na 0,4 młrd. dołaraŭ ZŠA.

«Da kanca 2012 hoda dynamika abmiennaha kursu biełaruskaha rubla budzie znachodzicca pad uździejańniem žorstkaj manietarnaj palityki Nacyjanalnaha banka,
nakiravanaj na abmiežavańnie zališniaj hrašovaj prapanovy ŭ biełaruskich rublach, u tym liku šlacham padtrymańnia vysokaha ŭzroŭniu pracentnych stavak na hrašovym rynku. Jak vynik, značnaha źmianieńnia abmiennaha kursu nie čakajecca», — havorycca ŭ paviedamleńni Nacbanka.
Va ŭmovach stabilizacyi ekanamičnaj situacyi ŭzmacniŭsia prytok srodkaŭ nasielnictva ŭ terminovyja bankaŭskija ŭkłady.
Ich abjom za studzień-vierasień pavialičyŭsia na 16,6 trłn. rubloŭ (na 39,3%). U tym liku terminovyja rublovyja depazity nasielnictva vyraśli na 45,8% (na 4,3 trłn. rubloŭ). Terminovyja valutnyja depazity nasielnictva papoŭnilisia na 36% (na 1,4 młrd. dołaraŭ ZŠA).

Sioleta ŭzros popyt na kredytavańnie bankami ekanomiki ŭ nacyjanalnaj valucie. Kali ŭ pieršym kvartale rublovyja patrabavańni bankaŭ u ekanomicy pavialičylisia na 2,6%, za druhi kvartał — na 5,8%, to ŭ trecim kvartale — na 11,1%. Za dzieviać miesiacaŭ jany vyraśli na 19,7 trłn. rubloŭ (na 20,6%). Rost kredytavańnia ŭ zamiežnaj valucie zastajecca na stabilna vysokim uzroŭni. U cełym pryrost patrabavańniaŭ bankaŭ da ekanomiki za dzieviać miesiacaŭ skłaŭ 42,3 trłn. rubloŭ (ci 26,9%). Asnoŭny abjom kredytnych resursaŭ nakiravany ŭ realny siektar ekanomiki — 87,7% ad ahulnaha pryrostu patrabavańniaŭ.

Udzielniki pasiadžeńnia syšlisia ŭ mierkavańni, što pierad bankaŭskaj sistemaj na najbližejšyja miesiacy stajać «dastatkova napružanyja zadačy».

«Ad taho, nakolki paśpiachova jany buduć vyrašanyja da kanca hetaha hoda, šmat u čym buduć zaležać i vyniki jaje dziejnaści ŭ 2013 hodzie. Tamu siarod klučavych zadač na najbližejšy čas — niedapuščeńnie źmiakčeńnia manietarnaj palityki, a pry nieabchodnaści — jaje ŭzmacnieńnie», — ličać jany.

«U suviazi z hetym Nacbankam budzie maksimalna abmiežavana padtrymka biahučaj likvidnaści bankaŭ.

Adpaviedna bankam nieabchodna asablivuju ŭvahu nadać pytańniam likvidnaści, nie dapuskajučy paharšeńnia jaje stanu», — adznačałasia na pasiadžeńni.

U Nacbanku ličać važnym zabiaśpiečyć realny prytok rublovych źbieražeńniaŭ nasielnictva i pradpryjemstvaŭ, što patrabuje raspracoŭki bolš pryvabnych umoŭ pa bankaŭskich praduktach. «Bankam treba prymać dziejsnyja miery pa pavieličeńni bieznajaŭnych raźlikaŭ pa roźničnych płaciažach i skaračeńni najaŭnaha hrašovaha abaračeńnia», — upeŭnieny ŭ hałoŭnym banku krainy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?