Na MKAD 23 kastryčnika pačali pracavać prybory fotafiksacyi. Tolki za adzin dzień kamiery vyjavili 500 parušeńniaŭ chutkasnych režymaŭ ruchu.
Raźmiaščeńnie kamier budzie źmianiacca ŭ zaležnaści ad darožnaha stanovišča, paviedamili va ŭpraŭleńni DAI HUUS Minharvykankama.

Kamiery fiksujuć momant parušeńnia praviłaŭ transpartnym srodkam. Zdymki aŭtamabila i jaho rehistracyjnaha znaka aŭtamatyčna pieradajucca ŭ Centr fiksacyi pravaparušeńniaŭ, dzie paśla apracoŭki i ŭstanaŭleńnia ŭładalnika transpartnaha srodku vynosicca pastanova ab nakładańni administracyjnaha spahnańnia ŭ vyhladzie štrafu, jakaja paštovaj suviaźziu adpraŭlajecca dla vykanańnia pa miescy žycharstva ŭładalnika.

Uładalnik transpartnaha srodku na praciahu miesiaca abaviazany zapłacić minimalny štraf u adpaviednaści ź dziejnym zakanadaŭstvam.
Abo jon maje prava abvierhnuć svaju datyčnaść da parušeńnia, źviarnuŭšysia ŭ padraździaleńnie DAI pa miescy žycharstva z dokazam taho, što hety transpartny srodak u momant pravaparušeńnia znachodziŭsia ŭ vałodańni abo karystańni inšaj asoby.

Za dzieviać miesiacaŭ 2012 hoda na terytoryi Minska z-za pieravyšeńnia chutkaści zdarylisia 93 DTZ, u jakich 19 čałaviek zahinuli i 119 — atrymali traŭmy roznaj stupieni ciažaru.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?