Viasielny bum čakajecca 12.12.2012 u minskich zahsach A Vy vierycie ŭ mahiju ličbaŭ? 3

Ab hetym siońnia na pres-kanfierencyi paviedamili pradstaŭniki staličnych adździełaŭ ZAHS.

Jak raskazała načalnik adździeła ZAHS Maskoŭskaha rajona Natalla Filimonava, na hety čas piać par padali zajavy na rehistracyju šlubu ŭ hety dzień.

Razam z tym čakajecca, što asnoŭnaja kolkaść zajaŭ pastupić u bližejšy čas, pakolki, zhodna z zakanadaŭstvam, pary mohuć zrabić heta za try dni da daty šlubu.

U padtrymku hetaha mierkavańnia śpiecyjalist pryviała ŭ jakaści prykładu anałahičnuju datu minułaha hoda — 11.11.2011. Tady ŭ hetym zahsie vals Miendelsona prahučaŭ 33 razy. «Viasielny ažyjataž zvyčajna prypadaje na leta — pačatak vosieni. Dla listapada ž takaja kolkaść rehistracyj šlubu ŭ adzin dzień — redkaść. Tamu i ŭ čarhovuju pryhožuju datu 12.12.2012 niahledziačy na toje, što heta siaredzina tydnia, šlubaŭ, dumaju, budzie niamała», — adznačyła Natalla Filimonava.

Jana taksama raskazała, što papiaredni zapis na dzień zaklučeńnia šlubu možna zrabić u Internecie, ale, pakolki 12 śniežnia prypadaje na budny dzień, zajaŭku na hetu datu možna zrabić vyklučna ŭ samim zahsie.

U toj ža čas śpiecyjalist adznačyła, što 30 pracentaŭ par, jakija papiarednie zapisalisia praź Internet na rehistracyju šlubu, nie prychodziać padavać zajavu ŭ zahs.

Pry hetym Natalla Filimonava adznačyła, što załoh siamiejnaha ščaścia — nie ŭ pryhožaj dacie rehistracyi šlubu. U jakaści dokazu jana pryviała statystyku rehistracyj i skasavańnia šlubaŭ u padobnyja daty papiarednich hadoŭ.

Tak, 07.07.2007 u zahsie Maskoŭskaha rajona 30 par zaklučyli šlub, ź ich da hetaha času 5 raźvialisia, try razvody prypali na vosiem par, jakija stali mužam i žonkaj 09.09.2009.

Taksama śpiecyjalist adznačyła pavieličeńnie siaredniaha ŭzrostu maładych par: dziaŭčaty vychodziać zamuž u 23–24 hady, chłopcy ženiacca ŭ 26–29 hadoŭ. Źmienšyłasia kolkaść rehistracyi zaklučeńnia šlubaŭ niepaŭnaletnimi. Jak paviedamiła načalnik adździeła ZAHS Partyzanskaha rajona Alena Harškova, u biahučym hodzie ŭ hetym adździele ZAHS šlub zarehistravała tolki adna para, dzie niaviesta była małodšaja za 18 hadoŭ.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH