Były palitviazień,eks-kandydat u prezidenty Biełarusi Andrej Sańnikaŭ atrymaŭ palityčny prytułak u Vialikabrytanii.
Žonka palitviaźnia Iryna Chalip paćvierdziła heta, ale zajaviła ahienctvu BiełaPAN, što jany ŭ siamji vyrašyli hetuju temu pakul nie kamientavać.
«My pakul vyrašyli bolš ničoha nie kamientavać. Na hetym etapie tak biaśpiečniej dla našaj siamji», - skazała Chalip. Sama jana zaraz znachodzicca ŭ Minsku, bo zhodna z pryhavoram suda nie maje prava pakidać krainu.
Iryna Bahdanava, siastra Sańnikava, jakaja žyvie ŭ Brytanii, paviedamiła radyjo «Svaboda», što Andrej Sańnikaŭ ciapier znachodzicca ŭ jaje doma.
Brytanskija ŭłady nie dajuć infarmacyi pra pryvatnyja vypadki pradstaŭleńnia prytułku.
0
0
0
0
0
0
