Pra heta paviedamiŭ pradstaŭnik Śledčaha kamiteta Uładzimir Markin. Pavodle jaho, miera strymańnia Udalcova nie źmienienaja – jon zastajecca pad padpiskaj ab niavyjeździe, uziataj ź jaho niekalki dzion tamu.Svajoj viny Udalcoŭ nie pryznaŭ, ale daŭ padrabiaznyja pakazańni, zajaviŭ Markin.
Napiaredadni ŭ presie źjavilisia paviedamleńni ab tym, što apazicyjanier moža praihnaravać vyklik u Śledčy kamitet i syści «ŭ padpolle». Ale Udalcoŭ zajaviŭ siońnia žurnalistam, što «biehać pra miažu nie źbirajecca».
Raniej u hetaj spravie, raspačataj na padstavie materyjałaŭ filma telekampanii NTV «Anatomija pratestu-2», byli aryštavanyja paplečniki Udalcova Kanstancin Lebiedzieŭ i Leanid Razvazžajeŭ. Razvazžajeŭ u čaćvier, pavodle jaho advakataŭ, admoviŭsia ad jaŭki z pavinnaj, pra jakuju raniej paviedamiŭ Śledčy kamitet. Jon śćviardžaje, što pakazańni davaŭ pad ciskam.