Na ekrany vychodzić stužka «1812: Ułanskaja bałada», źniataja da jubileju vajny z Napaleonam. Biudžet filma Aleha Fisienki składaje 5 miljonaŭ dalaraŭ.
Razam ź Siarhiejem Biazrukavym, Uładzimiram Haściuchinym, Volhaj Kabo ŭ filmie źniaŭsia i akcior Kupałaŭskaha teatra Siarhiej Žuraviel. Jon ihraje Kutuzava.
U hałoŭnaj roli ŭłana Haržeŭskaha — Siarhiej Biazrukaŭ. Nie dziŭna: rasijskaje patryjatyčnaje kino z kimści inšym u hałoŭnaj roli — heta amal nonsens siońnia.
Siužet filma — niešta siaredniaje miž tvorami starejšaha Dziuma i filmam «U žniŭni1812 hod. Napiaredadni bitvy pry Baradzino44-ha » z papraŭkaj na napaleonaŭskija časy.
sakretny ahient Napaleona vykradaje płan bitvy. Pra heta daviedvajecca Kutuzaŭ, jon nakiroŭvaje na pierachop ahienta ŭ Polšču troch śpiecnazaŭcaŭ. Prabačcie: «samych chvackich» ułanaŭ.Płan bitvy traplaje ŭ ruki maładoha rasijskaha dvaranina i polskaj kniazioŭny, «na serca jakoj pretendujuć sakretny ahient i polski aficer»… Usio heta adbyvajecca na fonie burlivaha ramana Napaleona i hrafini Valeŭskaj…
U filmie budzie maštabnaja Baradzinskaja bitva (Minuły raz rasijski kiniematohraf zdymaŭ jaje padčas ekranizacyi «Vajny i mira» Tałstoha — biez kamputarnych technałohij, siłami pieraapranutych vajennasłužačych).
Taksama buduć akrabatyčnyja ekzersisy Biazrukava, jaki pry dapamozie šabli źniščaje dyryžabl (?!), i aburajecca z charakternaj intanacyjaj: «Mianie, bajavoha aficera, ŭ špijony?!»…Nu rychtyk aniekdot pra saviecki zavod: jakich by zapčastak tam ni nakraŭ, usio adno ź ich składziecca kulamiot «Maksim».
0
0
0
0
0
0