U Łuninieckim licei atrucilisia školniki: bolš za 20 vučniaŭ špitalizavanyja

U licei horada Łuninca (Bresckaja vobłaść) atrucilisia školniki. Bolš za 20 vučniaŭ špitalizavany ŭ infiekcyjnaje adździaleńnie Łuninieckaj rajonnaj balnicy.

Kiepska mnohim vučniam stała 25 kastryčnika paśla abiedu. Z prykmietami atručvańnia — prablemy sa straŭnikam, vysokaja tempieratura, vanity — niekalki čałaviek pastupili ŭ balnicu ŭviečary.

Ranicaj 26 kastryčnika ŭ infiekcyjnaje adździaleńnie dastaŭlena 13 vučniaŭ, jakija pražyvajuć u licejskim internacie. «Chutkaja» zabirała padletkaŭ i pa chatnich adrasach.

Jak raspaviali sami dzieci, na abied 25 kastryčnika im davali viniehret, bulon, piure i sardelki. Pieravažna drenna stała tym, chto jeŭ viniehret.

Miedyki i administracyja liceja admaŭlajucca davać jakija-niebudź kamientary, u tym liku pa dakładnaj kolkaści špitalizavanych. «Na zaniatkach nie było 30 čałaviek, — paviedamili ŭ licei. — Ale heta z ulikam tych, chto chvareje i inšymi zachvorvańniami, VRVI ŭ tym liku».

Vučniaŭ, što zastalisia ŭ internacie, paprasili raźjechacca pa damach, subota abjaŭlena niepracoŭnym dniom. Ci budzie ŭviedzieny ŭ navučalnaj ustanovie karancin, pakul nieviadoma.

0

0

0

0

0

0

Śviatłana Harda, Miedyja-Paleśsie

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH