«Šanoŭnaja redakcyja Biełaruskaha telebačańnia, źviartajecca da Vas kandydat histaryčnych navuk Uładzimir Lachoŭski. 23 kastryčnika hetaha hoda ŭ viečarovaj prahramie «Zona Ch» byŭ prademanstravany siužet ab kanfiskacyi knih i časopisaŭ «Arche». Siarod kanfiskavanych vydańniaŭ u Łahojskim rajonie apynułasia i maja manahrafija «Ad homanaŭcaŭ da hajsakoŭ. Čynnaść biełaruskich maładziovych arhanizacyj u druhoj pałovie XIX st. — pieršaj pałovie XX st. (da 1939 h.)», vydadzienaja Biełaruskim histaryčnym tavarystvam u Biełastoku. U knizie razhladajecca historyja dziejnaści biełaruskich maładziovych arhanizacyj da vieraśnia 1939 h. — zadoŭha da pačatku Vialikaj Ajčynnaj vajny.

U videaroliku bujnym płanam była padadziena vokładka majoj knihi pad nastupnym kamientarom (padaju na movie aryhinała): «V dannoj litieraturie dana somnitielnaja traktovka istorii Biełarusi vo vriemiena nacistskoj okkupacii».
Dalej było jašče bolš kankretna zajaŭlena, što kanfiskavanyja vydańni naležać da «durno pachnuŝiej litieratury, na kotorych prisutstvujet svastika».
Maja kniha pryśviečana biełaruskim patryjotam, jakija zmahalisia za samastojnaść Biełarusi suprać carskaha režyma, stalinskaj tyranii i polskich žandaraŭ.
U majoj manahrafii ŭvohule niama siužeta pra nacysckuju akupacyju Biełarusi ci ŭschvaleńnie nacysckaj ideałohii i jaje simvoliki (svastyki). Paŭtarusia, maja kniha zakančvajecca 1939 h. i ŭvohule nie tyčycca vajennych padziej 1941 — 1945 hh.
Maja manahrafija — heta navukovaje vydańnie, jakoje recenzavali viadomyja historyki, što pracujuć u Instytucie historyi NAN Biełarusi.
Adzin ź ich vielmi pavažany ŭ navukovaj supolnaści prafiesar i doktar histaryčnych navuk Leanid Łyč.
Skažu naŭprost: kamientary i pradstaŭleny pad ich vizualny rad možna interpretavać jak hiobielsaŭski pryjom, praź jaki praŭda padmianiajecca iłžoj i falsifikacyjaj.
Da hetaha možna dadać vidavočny nieprafiesijanalizm i histaryčnuju niepiśmiennaść Alaksandra Viarbickaha i viadučaj prahramy «Zona Ch».
Hety siužet hladzieła maja siamja i rodnyja. I ŭsie aburany hetym brudnym pryjomam vašaha žurnalista. Dadzieny repartaž nanios maralnuju ranu nie tolki mnie, ale i ŭsioj majoj radni.
Moj baćka, Viktar Adamavič Lachoŭski, pamierły ŭ 1983 h. ad starych ran, atrymanych na froncie, u 1945 h. dajšoŭ da Prahi, a moj rodny dziadźka, Apanas Fiodaravič Dydzik, jaki byŭ u partyzanach z 1942, zahinuŭ pad Bierlinam u tym ža 1945 hodzie.

Ja zaklikaju da sumleńnia i prafiesijnaj hodnaści vas i vašaha karespandenta, Alaksandra Viarbickaha, aŭtara hetaha videapaskvila, jaki, darečy, raźmieščany ciapier na vašym sajcie.

Ja patrabuju publičnaha prabačeńnia za hetuju hniusnaść. U inšym vypadku budu vymušany źviarnucca ŭ sudovyja instancyi dla abarony svajoj čałaviečaj i prafiesijnaj hodnaści.

U pilnym čakańni adkazu.

Uładzimir Viktaravič Lachoŭski, kandydat histaryčnych navuk».

Pakolki redakcyja navin BT nijak nie adreahavała na list.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?