Siońnia płany pavyšeńnia zarabotnaj płaty razhladajucca, badaj, na kožnym pradpryjemstvie, piša hazieta «Rajonnyja budni». A voś na Ružanskaj meblevaj fabrycy, miarkujučy pa kalektyŭnym liście, jaki ŭ redakcyju dasłali rabočyja, ludziej nie zadavalniajuć miery administracyi, jakija tyčacca pavieličeńnia pamieraŭ i terminaŭ vydačy zarpłaty.

«Za apošnija dva hady pamier našaj zarpłaty praktyčna nie pamianiaŭsia. I na siońniašni dzień bolšaść rabočych atrymlivaje za svaju pracu kala adnaho minimalnaha zarobku. Akramia taho, vydajuć hrošy ažno naprykancy nastupnaha miesiaca — pieravažna čysła tryccataha. Avans naohuł nikoli nie pieraličvali, ale sioleta administracyja vyrašyła nam „dapamahčy“: 18 žniŭnia rabočym dali avans, suma jakoha skłała… 20 tysiač rubloŭ. Što možna kupić za hetyja hrošy?! Dva bochany chleba i dźvie butelki małaka. I heta ŭ toj čas, kali nabližałasia 1 vieraśnia — čas źbirać da vučoby školnikaŭ i studentaŭ. Heta prosta plavok u bok prostych rabočych pradpryjemstva…»

Kamientary na hety zvarot dało ŭpraŭleńnie pa pracy, zaniataści i sacyjalnaj abaronie rajvykankama.

Siaredniamiesiačnaja zarabotnaja płata rabotnikaŭ Ružanskaj meblevaj fabryki sapraŭdy zastajecca adnoj z samych nizkich siarod pradpryjemstvaŭ kancerna «Biellesbumpram». U pryvatnaści, zarabotnaja płata za žnivień na pradpryjemstvie skłała 2410,3 tys. rubloŭ, ci 164,6% da ŭzroŭniu minułaha hoda.

Nizki ŭzrovień zarabotnaj płaty źviazany sa źnižeńniem abjomu vytvorčaści pradukcyi: «Tak, u lipieni vyrablena pradukcyi ŭ supastaŭnych cenach na sumu 2686 miljonaŭ rubloŭ, ci 49,1% da ŭzroŭniu lipienia 2011 hoda, u žniŭni — na 3531 miljon rubloŭ, ci 52% da ŭzroŭniu žniŭnia minułaha hoda. Asnoŭnaj pryčynaj źnižeńnia vytvorčaści źjaŭlajecca niedachop abarotnych srodkaŭ: pa stanu na 1 žniŭnia 2012 hoda jon skłaŭ 2992 miljony rubloŭ». Heta jašče nie ŭsio. «U suviazi ź ciažkim ekanamičnym stanoviščam z metaj skaračeńnia vydatkaŭ pradpryjemstva vymušana było zakryć Laśnianski meblevy cech, jaki raźmieščany ŭ 90 kiłamietrach ad hałaŭnoha pradpryjemstva. Skaračeńnie z 31 lipienia 2012 hoda rabotnikaŭ meblevaha cecha (65 čałaviek) i vypłaty im trochmiesiačnaj zarpłaty, a taksama sum kampiensacyi za niavykarystany vodpusk paŭpłyvali i na vyniki finansavaj dziejnaści. Kali za pieršaje paŭhodździe pradpryjemstva mieła čysty prybytak u sumie 31 miljon rubloŭ, to pa vynikach siami miesiacaŭ atrymała čystyja straty ŭ sumie 804 miljony rubloŭ».

Adnak navat u takich umovach, kab pavialičyć zarabotnuju płatu, z 1 žniŭnia na 20% była pavyšana taryfnaja staŭka pieršaha razradu — jana skłała 486 tysiač rubloŭ. Da słova, na praciahu minułaha hoda taryfnaja staŭka na pradpryjemstvie pavyšałasia trojčy i ŭ vyniku vyrasła na 187,5%. Akramia taho, z 01.12.2011 hoda na 20% pavialičyŭsia pamier premij rabočym: siońnia pa vytvorčych bryhadach jany składajuć ad 50% da 160%.

Jak akazałasia, na praciahu 2012 hoda zarpłata rabotnikam sapraŭdy vypłočvałasia ŭ apošnija dni miesiaca — u terminy, ustanoŭlenyja kalektyŭnym dahavoram. Avans, zhodna z tym ža kalektyŭnym dahavoram, nie praduhledžany. Pa vynikach raboty za lipień zarabotnaja płata vypłačana 23 žniŭnia. Pieraličvaŭsia na hety raz i avans: 17 žniŭnia na rachunki rabotnikaŭ pastupiła sapraŭdy pa 20 tysiač rubloŭ.

Redakcyja haziety vykazvaje i svajo mierkavańnie nakont hetaj prablemy.

Ružanskaja meblevaja fabryka — nie adzinaje pradpryjemstva ŭ rajonie, jakoje pieražyvaje nie lepšyja časy. Zrazumieła, kali praduhledžana ździelnaja zarabotnaja płata: jaki abjom rabot vykanaŭ — stolki i atrymaj, — a popyt na pradukcyju nie zaŭsiody jość, to rabotniki nie stanuć zamožnymi. I heta treba tłumačyć ludziam.

Chacia, ščyra kažučy, jak patłumačyć rabočamu, jaki sumlenna pracavaŭ na svaim stanku, što jaho praca ŭrešcie nie zapatrabavana? Praściej za ŭsio spasłacca na toje, što avans nie praduhledžany kalektyŭnaj damovaj (chacia prafkam moh by i ŭźniać pytańnie ab uniasieńni źmianieńniaŭ u dakumient). Ale ci nielha stavicca adzin da adnaho pa-ludsku? Mahčyma, varta było ŭvajści ŭ stanovišča baćkoŭ, tych, chto sapraŭdy moža mieć patrebu napiaredadni navučalnaha hoda, i vypłacić prystojny avans chacia b hetym rabotnikam.

Naohuł, niaredka zaŭvažajecca takaja zakanamiernaść: čałavieka nie čujuć i nie chočuć čuć «na miescach», pakul jon nie źvierniecca ŭ vyšejstajačuju instancyju.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?