Ekzit-połaŭ va Ukrainie pravodzicca šmat, roznymi kampanijami, i ich vyniki zvyčajna supadajuć z dadzienymi padliku hałasoŭ. Voś što pakazali sacyjołahi (siaredniaja aryfmietyčnaja šaści roznych ekzit-połaŭ).

Partyja rehijonaŭ — 30%

«Baćkaŭščyna» (kaalicyja Julii Cimašenki) — 24%

«Udar» baksiora Kličko — 14%

Kampartyja — 12%

pravanacyjanalistyčnaja «Svaboda» — 12%.

Heta aznačaje, što

razam uradavyja Partyja rehijonaŭ i Kampartyja nabirajuć kala 42% hałasoŭ, a try apazicyjnyja śpisy — 50%. Vybary pakazali, što Ukraina zastajecca prajeŭrapiejskaj. Uražvaje vysoki vynik krajnie pravaj «Svabody», što praciahvaje tradycyi ŭkrainskaha etničnaha nacyjanalizmu. U Haliččynie jana nabrała bolšaść, a ŭ centry stała zaŭvažnaj siłaj. U Biełarusi siły z takimi pohladami prosta niama — «Svaboda» zajmaje pazicyi, praviejšyja, čym Kansiervatyŭna-chryścijanskaja partyja BNF u nas.

Heta aznačaje, što try apazicyjnyja śpisy razam atrymajuć kala 120 miescaŭ pa partyjnych śpisach suprać 105 u kaalicyi Partyi rehijonaŭ Janukoviča j kamunistaŭ. Adnak, jak čakajecca, Rehijony i aliharchi, što stajać za imi, pieramohuć u dźviuch tracinach mažarytarnych akruh. Jak i ŭ demakratyčnych krainach Zachadu, simpatyi elektaratu padzielenyja va Ukrainie amal paroŭnu miž procilehłymi palityčnymi siłami. Adnak kali try hady tamu Janukoviču ŭdałosia abyści Cimašenku, ciapier kivač chisnuŭsia ŭ pocilehły bok.

Źviarnicie ŭvahu, što sacapytańni ŭ našych paŭdniovych susiedziaŭ ładziacca svabodna, i roźnica ŭ ich vynikach miž strukturami, blizkimi da kankurujučych palityčnych siłaŭ, nie pieravyšaje 1–5%. Miž u tym u Biełarusi heta licenzavany vid dziejnaści, i lehalnyja ekzit-poły na minułych vybarach pravodzili tolki łukašenkaŭskija struktury, što padryvaje ŭsiaki davier da ich vynikaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?