24 kastryčnika, padčas taktyčnych vučeńniaŭ na palihonie «Łaśvida» (Haradocki rajon) paciarpieli dva aficery 103-j asobnaj hvardziejskaj mabilnaj bryhady.

Ad 23 da 25 kastryčnika 2012 hoda na palihonie «Łaśvida» pad kiraŭnictvam kamandzira 103-j asobnaj hvardziejskaj mabilnaj bryhady pałkoŭnika Alaksandra Kułakieviča prajšli bataljonnyja taktyčnyja vučeńni z 357-m asobnym hvardziejskim aeramabilnym bataljonam.

Asnoŭnymi metami vučeńniaŭ pa infarmacyi pres-słužby Ministerstva abarony źjaŭlałasia: acenka ŭzroŭniu palavoj vyvučki asabovaha składu padraździaleńniaŭ bataljona, jaho zdolnaść vykonvać pastaŭlenyja zadačy, a taksama ŭdaskanaleńnie praktyčnych navykaŭ kamandziraŭ u kiravańni padraździaleńniami.

U vučeńni brali ŭdzieł kala 500 vajskoŭcaŭ, 10 adzinak braniatankavaj techniki i kala 65 aŭtamabilnaj.

Na druhi dzień vučeńniaŭ adbyłosia nadzvyčajnaje zdareńnie

— pry raspalvańni vohnišča pavodle papiarednich acenak adbyŭsia vybuch snarada. Dvoje aficeraŭ, jakija znachodzilisia pablizu vohnišča, atrymali ranieńni.
Pieršuju dapamohu aficeram akazali ŭ balnicy Haradka. Adnamu z aficeraŭ pryjšłosia amputavać častku nahi. Dalejšuju dapamohu paciarpiełym užo akazvajuć u balnicach Viciebska i Minska.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?