Ciapierašni pasoł Litvy ŭ Biełarusi — adzin z kandydataŭ na pasadu kiraŭnika MZS

Kirunki źniešniaj palityki Litvy mianiacca nie buduć, a litoŭski pasoł u Biełarusi Linas Linkiavičus źjaŭlajecca adnym z mahčymych kandydataŭ na pasadu kiraŭnika litoŭskaha MZS.

Pra heta, jak paviedamlaje ahienctva BNS, zajaviŭ 29 kastryčnika lidar sacyjał-demakrataŭ, jakija pieramahli na parłamienckich vybarach u Litvie, i najbolš realny kandydat u premjery Alhirdas Butkiavičus.

«My pastarajemsia zachavać dobryja adnosiny z susiednimi krainami, ale kirunki źniešniaj palityki dakładna nie źbirajemsia mianiać», — zaznačyŭ Butkiavičus.

28 kastryčnika ŭ Litvie prajšoŭ druhi tur parłamienckich vybaraŭ. Pavodle papiarednich źviestak, try apazicyjnyja partyi — Litoŭskaja sacyjał-demakratyčnaja partyja, Partyja pracy i partyja «Paradak i spraviadlivaść» — atrymlivajuć u siejmie 78 mandataŭ sa 141. Jany ŭžo zajavili, što majuć namier sfarmiravać kirujučuju kaalicyju. Prem'jer-ministra vyłučyć Litoŭskaja sacyjał-demakratyčnaja partyja.

Pasoł Litvy ŭ Biełarusi Linas Linkiavičus pačaŭ vykonvać svaje abaviazki 24 lipienia hetaha hoda.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH