«Lapis Trubiackoj» sabraŭ anšłah i ŭ Talinie — fotarepartaž 7

Pierad kancertam u Vilni «Lapis Trubiackoj» daŭ 26 kastryčnika kancert u Talinie.

Kultavy biełaruski hurt rekordna doŭha nie vystupaŭ u stalicy Estonii. Ich apošni vystup, jak zhadvajuć rok-staražyły, adbyŭsia ŭ 1998 h.

Za hety čas šmat vady spłyło, i ź miłaj rokapapsovaj hrupy, jakaja ŭsim dziaŭčynkam padabajecca, «Lapis Trubiackoj» pieratvaryŭsia ŭ adnu z samych papularnych hrup usiaho rasiejska-i biełaruskamoŭnaha śvietu. A ich lidar — Siarhiej Michałok — staŭ kumiram «destruktyŭnaj», jak jon sam vykazaŭsia padčas Talinskaha kancertu 26 kastryčnika, moładzi, jakoj pryjšłasia da smaku liryka pratestu, jakaja hučyć na apošnich albomach «Lapisaŭ».

U kłubie «Tapier» biełaruskich muzykaŭ čakaŭ anšłah, piša Postimees.