Z Łuninieckaj centralnaj rajonnaj balnicy vypisanyja ŭsie 19 staršakłaśnikaŭ — navučencaŭ miascovaha liceja, špitalizavanych 26–27 kastryčnika ź simptomami vostraha hastraenterytu.
Jak paviedamiŭ vykanaŭca abaviazkaŭ hałoŭnaha lekara balnicy Ihar Nievar, u pieršaj pałovie dnia 26 kastryčnika ŭ infiekcyjnaje adździaleńnie lačebnaj ustanovy byli špitalizavanyja 16 staršakłaśnikaŭ, 27 kastryčnika — jašče try. Bolšaść zachvarełych dastavili ŭ balnicu bryhady chutkaj miedycynskaj dapamohi.
«Liceisty skardzilisia na boli ŭ žyvacie, rasstrojstva stułu, irvotu, pavyšanuju tempieraturu.Pry pastupleńni ich stan byŭ zdavalniajučy i nie vyklikaŭ apasieńniaŭ. Jany byli pamieščanyja ŭ balnicu pa epidemijałahičnych pakazańniach z papiarednim dyjahnazam «vostry hastraenteryt, lohkaje ciačeńnie», — skazaŭ Nievar.
Pavodle jaho słoŭ, paśla abśledavańnia pacyjentaŭ i praviedzienaha lačeńnia zhodna z kliničnymi pratakołami 27 kastryčnika byli vypisanyja piać,
Jak adznačyŭ Nievar, kančatkovy dyjahnaz budzie ŭstanoŭleny paśla atrymańnia vynikaŭ bakteryjałahičnaha daśledavańnia.
