Padletak, jaki prajechaŭ na padnožcy ciahnika ŭ mietro, pryciahnuty da adkaznaści 3

Dvoje minčan pryciahnuty da adkaznaści za prajezd na padnožkach ciahnikoŭ u mietro.

Jak paviedamiła pres-słužba HUUS Minharvykankama, 27 kastryčnika biełaruskija internet-resursy raźmiaścili videarolik, na jakim bačna, jak małady čałaviek na padnožcy apošniaha vahona elektraciahnika №18 źjechaŭ sa stancyi minskaha mietro "Puškinskaja" ŭ kirunku stancyi "Maładziožnaja". Asoba maładoha čałavieka vyśvietlena. Vyśvietliłasia, što 25 kastryčnika ŭ 16.35 heta zrabiŭ 15-hadovy navučeniec adnoj sa staličnych himnazij.

Videazdymku niebiaśpiečnaj pajezdki pravodziŭ jaho tavaryš-adnahodak. Abodva raniej sudzimyja nie byli, u pole zroku milicyi nie traplali.

U dačynieńni da padletka, jaki ździejśniŭ prajezd na padnožcy elektraciahnika, składzieny administracyjny pratakoł pa art. 18.4 KoAP (parušeńnie praviłaŭ karystańnia srodkami čyhunačnaha transpartu) KaAP. Materyjały pravierki ŭ dačynieńni da parušalnika nakiravanyja ŭ kamisiju pa spravach niepaŭnaletnich Frunzienskaha rajona.

Akramia taho, 27 kastryčnika ŭ 16.20 supracoŭnikami UUS pa achovie Minskaha mietrapalitena na płatformie stancyi mietro "Partyzanskaja" byŭ zatrymany 22-hadovy niepracujučy,

raniej sudzimy za niezakonny abarot narkotykaŭ minčanin. Znachodziačysia ŭ stanie ałkaholnaha apjanieńnia, jon prajechaŭ na padnožcy pamiž vahonami elektraciahnika ad stancyi mietro "Pieršamajskaja" da miesca zatrymańnia. U dačynieńni da parušalnika byli składzienyja administracyjnyja pratakoły pa art. 17.3 (raśpićcio ałkaholnych, słabaałkaholnych napojaŭ ci piva ŭ hramadskim miescy albo źjaŭleńnie ŭ hramadskim miescy abo na pracy ŭ stanie apjanieńnia) i 18.4 (parušeńnie praviłaŭ karystańnia srodkami čyhunačnaha transpartu) KoAP. Jaho źmiaścili ŭ centr izalacyi pravaparušalnikaŭ HUUS Minharvykankama. 29 Kastryčnik sud aštrafavaŭ jaho na 2.200.000 rubloŭ.