Biełčyhunka ŭvodzić piać typaŭ pasažyrskich pieravozak, padzieł na biźnies- i ekanam-kłas, novuju numaracyju ciahnikoŭ 9

Z metaj udaskanaleńnia sistemy transpartnaha absłuhoŭvańnia ź listapada hetaha hoda Biełaruskaja čyhunka budzie ažyćciaŭlać pasažyrskija pieravozki ŭ miežach nastupnych vidaŭ čyhunačnych znosin: haradskija (haradskija linii) — pieravozki ŭ miežach Minska, abłasnoha centra i za ich miežy, ale nie dalej za čyhunačnyja stancyi (prypynačnyja punkty), raźmieščanyja ŭ haradach-spadarožnikach; rehijanalnaje (rehijanalnyja linii) — u miežach administracyjnych miežaŭ vobłaści i za jaje miežy da čyhunačnych stancyj (prypynačnych punktaŭ), raźmieščanych u bližejšym horadzie abłasnoha padparadkavańnia sumiežnaj vobłaści, ale nie dalej za jaje abłasny centr; mižrehijanalnyja (mižrehijanalnyja linii) — pamiž horadam Minskam i abłasnymi centrami, pamiž abłasnymi centrami; mižnarodnyja (mižnarodnyja linii) — pamiž Biełaruśsiu i inšymi dziaržavami; kamiercyjnyja (kamiercyjnyja linii) — pieravozki, vykananyja pa maršrutach, vyznačanych zamoŭcam (jurydyčnaj ci fizičnaj asobaj) na dahavornych umovach.

Rehijanalnyja i mižrehijanalnyja linii padzialajucca na biźnies- i ekanam-kłas u zaležnaści ad chutkaści ruchu ciahnikoŭ i prypynkaŭ u nasielenych punktach.

Takim čynam, usie ciahniki, jakija kursirujuć siońnia pa biełaruskaj mahistrali, buduć adniesieny da toj ci inšaj linii pasažyrskich pieravozak. Tak, pryharadnyja ciahniki buduć nazyvacca ciahnikami haradskich linij i rehijanalnych linij ekanam-kłasa. Na ciapierašnim etapie ciahniki haradskich linij buduć kursiravać tolki ŭ Minskim čyhunačnym vuźle.

Zamiest paniaćcia «miascovyja ciahniki» buduć užyvacca najmieńni «ciahniki mižrehijanalnych linij ekanam-kłasa» i «ciahniki mižrehijanalnych linij biźnies-kłasa».

Zamiest «dalokija» i «mižnarodnyja ciahniki» — «ciahniki mižnarodnych linij». Taksama źjaviacca ciahniki kamiercyjnych linij, pravobrazam jakich siońnia źjaŭlajucca turystyčnyja ciahniki.

Vyznačeńni «pasažyrskija», «chutkija» i «firmiennyja» ciahniki nie buduć užyvacca ŭ dačynieńni da ŭnutryrespublikanskich pieravozak, a zachoŭvacca tolki dla mižnarodnych.

U listapadzie na vitražach biletnych kas źjaviacca znaki absłuhoŭvańnia (vizualizavanyja elemienty) i nazvy (na troch movach: ruskaj, biełaruskaj i anhlijskaj) tych linij pasažyrskich pieravozak, na jakija ŭ ich buduć pradavacca prajaznyja dakumienty. Vyjava adpaviednaha znaka absłuhoŭvańnia kožnaj linii budzie raźmiaščacca i ŭ raskładzie adpraŭleńnia i prybyćcia pasažyrskich ciahnikoŭ paśla numara ciahnika. Tak, dla haradskich linij takim znakam źjaŭlajecca astra na čyrvonym fonie, dla rehijanalnych linij ekanam-kłasa — fijałka na sinim fonie, rehijanalnych linij biźnies-kłasa — krokus na sinim fonie i h.d.

Z metaj uparadkavańnia sistemy infarmacyjnaha absłuhoŭvańnia ŭ adpaviednaści sa źmianieńniem najmieńniaŭ ciahnikoŭ miascovych znosin z 3 listapada dla ich budzie ŭstanoŭlena novaja numaracyja.

Hetym ciahnikam buduć prysvojenyja numary z 601 pa 698 (siońniašniaja numaracyja — z 1 pa 148, a taksama z 801 pa 806). Tak, naprykład, chutki ciahnik № 106/105 Brest — Minsk, jaki kursiruje ciapier pa biełaruskaj mahistrali, budzie zvacca ciahnik № 646/645 mižrehijanalnych linij ekanam-kłasa Brest — Minsk. Źmianieńnie numaracyi ciahnikoŭ nie aznačaje źmianieńnia chutkaści ich ruchu. Bolš padrabiaznuju infarmacyju možna atrymać na sajcie BČ (www.rw.by).

Płanujecca, što kolkaść prypynkaŭ ciahnikoŭ mižrehijanalnych linij ekanam-kłasa pa rašeńni Biełaruskaj čyhunki moža być źmienienaja ŭ suviazi z pavieličeńniem (adsutnaściu) ustojlivaha pasažyrapatoku.

Što da kursiravańnia ciahnikoŭ rehijanalnych linij ekanam-kłasa (ciapierašnich pryharadnych ciahnikoŭ), to na ich šlachu prypynki ciapier zastanucca bieź źmianieńniaŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH