29 listapada 1938 h. byŭ rasstralany Branisłaŭ Taraškievič — hramadcka-palityčny dziajač, adzin ź lidaraŭ nacyjanalnaha ruchu ŭ Zachodniaj Biełarusi, aŭtar «Biełaruskaj hramatyki dla škoł».
Taraškieviča dvojčy kidali ŭ turmu ŭ Polščy — jon ža ŭznačalvaŭ BSRH dy byŭ adnym z kiraŭnikoŭ «Zmahańnia».
U vieraśni 1933 h. jon, pavodle h.zv. abmienu palitviaźniami, pryjechaŭ u SSSR. Žyŭ u Maskvie, pakul nie byŭ u mai 1937 h. aryštavany, a ŭ studzieni 1938 h. zasudžany da vyšejšaj miery pakarańnia.
U 1957 h. Taraškievič byŭ reabilitavany. Jahonym imiem nazvany vulicy ŭ Minsku, Maładziečnie j Radaškavičach.
