19-hadovy rasijski chakieist Jarasłaŭ Jeŭdakimaŭ byŭ źbity ŭ raździavałcy za toje, što, na dumku jaho partnioraŭ pa kamandzie, słaba hulaŭ. Usio adbyłosia ŭ Krasnajarsku, dzie Jarasłaŭ hulaje za miascovy moładzievy kłub «Krasnajarskija rysi» (daččynaja kamanda kłuba VCHŁ «Sokał»).
20 listapada paśla treciaha chatniaha matču z čalabinskim «Miečełam» Jarasłaŭ zajšoŭ u raździavałku, paprasiŭ chłopcaŭ zrabić muzyku cišej, sieŭ na łaŭku, pačaŭ rasšnuroŭvać kańki, paśla čaho jaho ŭdaryli ŭ skivicu.
«Ja na niekalki siekundaŭ navat zhubiŭ prytomnaść, — raspavioŭ Jarasłaŭ Jeŭdakimaŭ.— Potym hladžu, a heta moj partnior pa źvianie Jahor Zykaŭ. Nichto z chłopcaŭ nie kinuŭsia mnie na dapamohu. Jak byccam usio było śpiecyjalna padstrojena».
Dva matčy z troch «rysi» ŭ «Miečeła» vyjhrali. Jarasłaŭ nie zmoh adznačycca šajbaj u hetych pajadynkach. Jarasłaŭ miarkuje, što heta vyklikała niezadavolenaść u kiraŭnictva kamandy.
«Ja dumaju, što prosta pryjezdžych u Krasnajarsku nie lubiać, tym bolš tych, chto pa vynikovaści lepš za partnioraŭ.Ja im nie padabajusia, voś jany na mianie i aščeryłasia. Da mianie dajšło, što ŭsio heta zadumaŭ dyrektar kłuba. Jon daŭ ukazańnie, kab mnie raźbili tvar…».
«Jarasłaŭ — vychavaniec čalabinskaha «Traktara», u minułym siezonie hulaŭ za «Miečeł&» šmat zabivaŭ, nabraŭ 28 (12+16) ačkoŭ, — raspaviadaje Ihar Jeŭdakimaŭ, baćka chakieista. — A potym syna paklikali ŭ krasnajarski kłub VCHŁ «Sokał». Praŭda, za «vyšku» (vyšejšaja liha) jon tak i nie zhulaŭ. Jaho pakinuli ŭ maładziožnym składzie. Tam jon taksama byŭ na pieršych rolach. Napeŭna, tamu jaho — nie miascovaha, i niezalubili».
U Jarasłava Jeŭdakimava — pierałom skivicy sa zrušeńniem.
Heta ŭžo nie pieršy vypadak rukaprykładstva u chakiejnych raździavałkach u Rasii. Paru tydniaŭ tamu abaroncu Jaŭhiena Muzafarava z CHK «Tamboŭ» źbili padčas druhoha pierapynku matču z CHK «Słavucič». Tady na jaho nakinułasia niekalki čałaviek, u tym liku i adzin z hulcoŭ kamandy. Paśla hetych razborak u kłubie źmianiŭsia hałoŭny trenier.
