Dva narkamany — kiroŭca i pasažyr — zasnuli ŭ mašynie pry pieravozcy ŭkradzienych aŭtazapčastak

Niezvyčajnym čynam byli zatrymany na dniach u Minsku dvoje aŭtazłodziejaŭ z Homielskaj vobłaści.

Jak paviedamili ŭ HUUS Minharvykankama, uvahu inśpiektaraŭ DPS adździeła DAI Pieršamajskaha RUUS stalicy, jakija dziažuryli ŭ rajonie skryžavańnia praśpiekta Niezaležnaści i Zasłaŭskaj šašy, pryciahnuła dziŭnaja «Mazda».

Aŭtamabil ruchaŭsia pa raździalalnaj pałasie i na patrabavańni supracoŭnikaŭ Dziaržaŭtainśpiekcyi spynicca nie reahavaŭ, a zatym raptam upiorsia ŭ bardziurny kamień.

Inśpiektary ahledzieli aŭtamabil i pabačyli za rulom śpiačaha vadziciela, pobač — pasažyra ŭ anałahičnym stanie.

Na zadnim siadzieńni znachodzilisia mahnitoły, akumulatary, DVD-płejery, videarehistratary, navihatary, radyjostancyi. Z bahažnika bačnyja byli koły.

Vadziciela i pasažyra zatrymali i dastavili ŭ rajonnaje UUS dla razboru. Tam paśla praviadzieńnia adpaviednych pracedur vyśvietliłasia: zatrymanyja — raniej sudzimyja 36-hadovy i 32-hadovy žychary Homielskaj vobłaści — znachodzilisia ŭ stanie narkatyčnaha apjanieńnia, čym i tłumačylisia ich dziŭnyja pavodziny na darozie. Było taksama ŭstanoŭlena, što hamialčanie majuć dačynieńnie da kradziažoŭ z aŭtatranspartu na terytoryi Žodzina, a vykradzienaje vieźli pradavać na staličny aŭtarynak.

Ciapier pa hetym fakcie pravodzicca rasśledavańnie.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH