Hodam bieražlivaści abjaŭleny 2013 hod u Biełarusi. Adpaviedny ŭkaz № 537 Alaksandr Łukašenka padpisaŭ 29 listapada.
«Hod bieražlivaści stanie łahičnym praciaham realizacyi Dyrektyvy prezidenta Respubliki Biełaruś ad 14 červienia 2007 hoda № 3 „Ekanomija i bieražlivaść — hałoŭnyja faktary ekanamičnaj biaśpieki dziaržavy“ ŭ sučasnych umovach», — adznačyli ŭ
Uradam budzie zaćvierdžany respublikanski płan mierapryjemstvaŭ pa praviadzieńniu ŭ 2013 hodzie Hoda bieražlivaści, a respublikanskimi orhanami dziaržaŭnaha kiravańnia, abłvykankamami, Minskim harvykankamam — adpaviednyja halinovyja i rehijanalnyja płany.
Praviadzieńnie Hoda bieražlivaści budzie sadziejničać vyrašeńniu zadač udaskanaleńnia arhanizacyi vytvorčaści, pavyšeńnia pradukcyjnaści pracy, jakaści pradukcyi i pasłuh za košt aptymizacyi raschodaŭ, racyjanalnaha vykarystańnia resursaŭ, vyklučeńnia ŭsialakich nieabhruntavanych strat, u pieršuju čarhu šlacham madernizacyi vytvorčaści, ukaranieńnia novych technałohij, techniki i sposabaŭ haspadarańnia. Mierapryjemstvy hetaha hoda taksama nakiravany na vychavańnie ŭ kožnaha pačućcia haspadarlivaści, stymulavańnie ekanomii i bieražlivaści jak na svaich rabočych miescach, tak i ŭ paŭsiadzionnym žyćci.
