Znosak adčuje
Dziaržaŭnyja ŚMI achvotna dajuć słova apazycyjaneram. Praŭda, tolki tym, jakija majuć rachunki ź piacipartyjnaj demakratyčnaj kaalicyjaj. Jakich tolki dzivosaŭ nie sustrenieš na staronkach «orhanaŭ»: tut i kamplimenty Sieviaryncu jak «niesastarełamu», Paźniaku jak «paśladoŭnamu», i hałašeńnie ab niaščasnaj doli kamunistaŭ, jakim pryjdziecca ahitavać za BNF.
A voś uziała b apazycyja dy publična stvaryła aŭtarytetnuju pahadžalnuju kamisiju na čale nie z palitykam, a z partyjna niezaanhažavanym, usimi šanavanym čałaviekam. Drobiaź — ale było b salidna, pa-bujnomu. Tady j Znosak adčuŭ by: ź piacipartyjnym kułakom u krainu viartajecca vialikaja palityka. Takaja, pry jakoj nie raskidajucca nivodnym hołasam. Takaja, pry jakoj hramadztva razhladajuć nia ŭ jakaści abjektu, a ŭ jakaści arbitra.
Andrej Dyńko
