18 najlepšych zdymkaŭ Nadziei Bužan — finalistki World Press Photo. Tut ščaście, bol, adčaj — naša z vami žyćcio
Aŭtar: NN.by
13.03.2021 / 16:03
Fatohrafka «Našaj Nivy» Nadzieja Bužan dniami stała finalistkaj samaha prestyžnaha konkursu prafiesijnaj fatahrafii ŭ śviecie. Pieramožcaŭ nazavuć 15 krasavika. Zdymak, na jakim Volha Sieviaryniec z kvietkami čakaje muža pad Akreścina, trapiŭ u śpis najlepšych u naminacyi «haračyja naviny». U našaj padborcy jon pieršy. Za im — kadry leta 2020 i samych jarkich repartažaŭ i historyj.
Volha Sieviaryniec čakaje muža Paŭła kala centra izalacyi pravaparušalnikaŭ na Akreścina. U toj dzień maci Paŭła patelefanavała ŭ izalatar z pytańniem, ci vyzvalajuć jaje syna siońnia, i atrymała adkaz, što tak. Paźniej Volha jašče raz zvaniła ŭ turmu z tym ža pytańniem. Tam paćvierdzili, što Pavieł vyjdzie na svabodu. U vyniku Volha prastajała bolš za dźvie hadziny pad ścienami turmy, čakajučy vyzvaleńnia muža. Paŭła tak i nie vypuścili. Lipień 2020 hoda, Minsk.Dziaŭčaty całujucca na fonie «ściany» siłavikoŭ. Zdymak zrobleny padčas mirnaha niadzielnaha maršu niazhodnych z vynikami prezidenckich vybaraŭ. Žnivień 2020 hoda, Minsk.Zatrymańni la minskaj fiłarmonii 19 červienia — u apošni dzień zboru podpisaŭ za kandydataŭ u prezidenty. 9 žniŭnia 2020 hoda, Minsk. Dzień vybaraŭ. Niazhodnyja z papiarednimi vynikami hałasavańnia vyjšli na vulicy. Dla razhonu demanstrantaŭ siłaviki vykarystali śviatłošumavyja hranaty i humovyja kuli. Adzin z aŭtazakaŭ zajechaŭ u natoŭp zzadu. U apošni momant ludzi zrazumieli, što prosta na ich jedzie vajskovaja mašyna. Častka adbiehła ŭbok. Inšaja častka natoŭpu pasprabavała spynić mašynu i ŭskočyć na jaje.Hrupa vajskoŭcaŭ adciskaje pratestoŭcaŭ z dapamohaj strelby i śviatłošumavych hranat. Žnivień, rajon mietro Puškinskaja, Minsk. Žančyna staić na kaleniach pierad siłavikami padčas niadzielnaha maršu. Žnivień 2020 hoda, Minsk.Dziaŭčyna vitaje ŭdzielnikaŭ mirnaha niadzielnaha maršu. Žnivień 2020 hoda, Minsk.Pieršy niadzielny marš, 16 žniŭnia 2020 hoda. Žančyny abaraniajuć mužčyn ad siłavikoŭ. Vierasień 2020 hoda, Minsk.Demanstrant ź bieł-čyrvona-biełym ściaham na śpinie staić pierad vadamiotam. Kastryčnik 2020 hoda, Minsk. Nina Bahinskaja (sprava) padčas adnaho z žanočych maršaŭ. Vierasień 2020 hoda, Minsk.23 vieraśnia, Minsk. U dzień, kali Alaksandr Łukašenka pravioŭ tajemnuju inaŭhuracyju, ludzi vyjšli na vulicy. Na fota amapaviec pierabintoŭvaje raźbituju hałavu žančynie, jakaja paciarpieła padčas razhonu mirnych demanstrantaŭ.Zatrymańni padčas mirnaha žanočaha maršu suprać hvałtu. Vierasień 2020 hoda, Minsk. Natalla Sazanovič, jakaja adnojčy kinuła prestyžnuju pracu zubnoha technika ŭ stalicy, kab pad Žodzina pracavać na koniezavodzie «Zarečča», adzinym miescy ŭ Biełarusi, dzie siońnia razvodziać miascovuju parodu koniej — biełaruskuju zapražnuju.
U niekatorych rehijonach Biełarusi niekalki hod tamu źjavilisia «ŭniviersalnyja milicyjanty» — heta kali miascovy ŭčastkovy atrymlivaje paŭnamoctvy supracoŭnika kryminalnaha vyšuku i inśpiektara pa spravach niepaŭnaletnich. U nievialikich haradach čałavieku z pašyranymi paŭnamoctvami praściej kantralavać situacyju. Sutnaść zaklučajecca ŭ tym, kab być bližej da naroda. Na fota małady ŭčastkovy-šeryf, kapitan Alaksiej Dajlidka padčas abychodu svaich «padapiečnych». Voranava, 2019 hod.
