Зборная Беларусі па футболе правяла першы таварыскі матч у гэтым сезоне. У турэцкай Антальі нашы хлопцы сустракаліся з армянамі.
Каб не здарылася ніякіх інцыдэнтаў падчас сустрэчы, арганізатары прынялі рашэнне не прадаваць білеты на футбол. Гульня прайшла толькі ў прысутнасці афіцыйных асоб, а таксама некалькіх журналістаў.
Да гэтага беларусы і армяне сустракаліся тройчы. Два разы ў рамках адборачнага турніру да чэмпіянату свету‑2002. Каманда Малафеева тады выйграла дома з лікам 2:1, а ў Ерэване сыграла ўнічыю — 0:0.
А два гады назад, ужо пры Штанге, армяне на міжнародным турніры на Мальце ўзялі рэванш — 1:2. Такім чынам, у гісторыі супрацьстаяння каманд існаваў поўны парытэт.
Беларусы выйшлі на сустрэчу больш нацэленыя на атаку. Колькі разоў у першым тайме яны небяспечна атакавалі, але перавесці перавагу ў забітыя галы так і не атрымалася.
Першая палова скончылася з лікам 0:0.
Першы год быў забіты напрыканцы гадзіны гульні. Паўабаронца мінскага «Дынама» Антон Пуціла з блізкай адлегласці расстраляў нязменнага варатара армян Рамана Беразоўскага — 1:0.
Праўда, ужо ў наступнай атацы каўказцы адыграліся. Пасля флангавага навеса мяч аказаўся ў футбаліста іранскага «Саат Нафта» Лявона Пачаджана. Ён і расстраляў браму Сяргея Верамко — 1:1.
А на 74‑ай хвіліне беларусы выйгралі на ўдарную пазіцыю былога капітана Аляксандра Глеба. І паўабаронца «Штутгарта» свой шанец не ўпусціў — 2:1.
Канчаткова ўсе пытанні пра пераможцу зняў нападаючы БАТЭ Віталь Радзівонаў. Трэці гол яны арганізавалі на пару з Вячаславам Глебам — 3:1.
Найхутчэй, што наступны таварыскі матч наша каманда правядзе ў Мінску 2 чэрвеня супраць шведаў.
