На пытанне, ці знаёмы ён з Ціханоўскай асабіста, Пазняк адказаў, што не, і такой патрэбы не адчувае.

Маўляў, «магчыма, пасля следства ў вольнай Беларусі, калі паўстане пытанне аб яе арышце, тады пазнаёмлюся».

Запрашэння на канферэнцыю ён не атрымліваў, а калі атрымае, то праігнаруе, бо «што ў іх намечана на так званай канферэнцыі, не мела ніякага значэння, не мае і не будзе мець. Гэта ўсё пустата і прафанацыя. Таму няма пра што гаварыць».

Латушка, Ціханоўская і Цапкала для лідара Кансерватыўна-хрысціянскай партыі БНФ — «прарасійскія групоўкі», якія «займаліся імітацыяй палітыкі». Тое ж, што яны цяпер хочуць «ствараць нацыянальна-вызвольны рух, прытым самі не з’яўляюцца ні патрыётамі, ні нацыяналістамі» — «выкананне пэўнай адмашкі, таму што ў расійскай палітыцы і расійскай агентуры гэтыя прыёмы вядомыя здаўна, яшчэ царская жандармерыя гэтым займалася».

Памянуўшы пры гэтым нядобрым словам беларускіх апазіцыйных палітыкаў ранейшых часоў, у прыватнасці Уладзіміра Ганчарыка, Аляксандра Мілінкевіча і Аляксандра Казуліна, і акрэсліўшы іх як «ворагаў беларушчыны», «агентуру» альбо проста прафанатараў, Пазняк выклаў сваю арыгінальную версію таго, што адбываецца ў беларускім жыцці цяпер.

Маўляў, «у Маскве адчулі, што ў паветры вісіць сур’ёзная праблема і ствараюцца беларускія вайсковыя аддзелы ва Украіне, полк Каліноўскага папаўняецца кожны месяц трыццаццю асобамі, ствараюцца іншыя арганізацыі, і цяпер Масква баіцца, што ўся гэтая прафанацыя лопне і з’явіцца сур’ёзны нацыянальна-вызвольны рух, які будзе мець свае ўзброеныя сілы, свая ідэалогія ёсць ужо, праграма ёсць і людзі ёсць».

І тое, што робяць у гэтых умовах Ціханоўская і іншыя — «гэта спроба заняць нішу і заблытаць людскія розумы, заблытаць беларусаў».

Нацыянальна-вызвольны рух, паводле Пазняка, «ствараюць нацыяналісты, ствараюць патрыёты, людзі, у якіх Беларусь — і ў розуме, і ў сэрцы, якія маюць нацыянальную свядомасць, якія добра ведаюць, што самым заклятым ворагам Беларусі з’яўляецца Расія. Вось у гэтых людзей нічога гэтага няма». 

Клас
Панылы сорам
Ха-ха
Ого
Сумна
Абуральна

Хочешь поделиться важной информацией анонимно и конфиденциально?

27
Ягор / Ответить
24.07.2022
"Кругом все прэдацели Родзины, адзин я такой харошый патрыот" - у нас уже есть такой персонаж, по риторике один в один
23
Alex / Ответить
24.07.2022
Позняк сделал много полезных дел, но уже давно потерял связь с реальностью. Сейчас он писатель, а не политик. Его попытки показать собственную значимость путем обливания помоями других людей выглядят просто нелепо. А формулировка "..приглашения он не получал, но если получит, то проигнорирует.." вызывает только истерический смех. Напоминает "Я гнался за вами три дня чтобы сказать как вы мне безразличны" )))
26
Satan / Ответить
24.07.2022
Дедовские соревнования в полном разгаре. Кто же победит? Кто? Альцгеймер, Паркинсон или старый-добрый дедушка Маразм? Делаем ставки, господа! Играем с Джойказино!
Показать все комментарии/ 85 /
Чтобы оставить комментарий, пожалуйста, активируйте JavaScript в настройках своего браузера