Тамадж Салехі. Фота: сацыяльныя сеткі
Улады Ірана прыгаварылі да смяротнай кары папулярнага рэпера Тамаджа Салехі, які ўдзельнічаў у антыўрадавых пратэстах 2022—2023 гадоў. Аб гэтым паведамляюць агенцтва Reuters і праваабарончая арганізацыя Iran Human Rights (IHR).
Праваабаронцы ўдакладнілі, што Салехі прызналі вінаватым у «распаўсюдзе карупцыі на зямлі» (тэрмін, які іранскія ўлады выкарыстоўваюць для абазначэння шырокага кола злачынстваў, у тым ліку звязаных з ісламскай мараллю), піша «Настоящее время».
Адвакат Салехі Мустафа Нэлі заявіў, што будзе абскарджваць смяротны прысуд.
Артыста затрымалі і пасля арыштавалі ў кастрычніку 2022 года. Яго абвінавацілі ў падтрымцы пратэстоўцаў супраць урада, у тым ліку, у сваіх песнях і публічных выказваннях. У 2023 годзе Вярхоўны суд Ірана прыгаварыў Салехі да шасці гадоў і трох месяцаў турмы.
Чытайце таксама:
У Іране суд прыгаварыў да смерці начальніка паліцыі за забойства пратэстоўца. Што?
Памерла 16-гадовая іранка, якая патрапіла ў кому пасля затрымання за адсутнасць хіджаба
