Джаан Роўлінг. Фота: Bruce Glikas / Bruce Glikas / FilmMagic / Getty Images
Брытанская пісьменніца Джаан Роўлінг плануе выпусціць яшчэ шэсць кніг, пра гэта яна заявіла ў інтэрв'ю The Times.
«У мяне ёсць тая, якую я зараз пішу. Наперадзе яшчэ дзве пра дэтэктыва Кармарана Страйка, а потым яшчэ тры кнігі, да якіх я вельмі хачу дабрацца», — распавяла яна.
Роўлінг падзялілася, што завяршэнне серыі раманаў пра Гары Потэра было цяжкай стратай, паколькі яна магла паглыбіцца ў працу над гісторыяй хлопчыка-чараўніка, збегшы ад праблем у жыцці. З іншага боку, пісьменніца задаволеная, што «ўсё скончылася».
Серыя кніг пра Гары Потэра выходзіла з 1997 па 2007 год і прынесла Джаан Роўлінг сусветную славу. Усе часткі гэтай серыі ўваходзяць у дваццатку самых прадаваных кніг усіх часоў.
Першы дэтэктыў пра Кармарана Страйка і Робін Элакот — «Кліч зязюлі» — выйшаў у 2013 годзе пад псеўданімам Роберт Гэлбрэйт і адразу стаў бэстсэлерам.
Пасля гэтага Роўлінг выпусціла яшчэ шэсць дэтэктываў. Пазней з'явіўся серыял Бі-бі-сі «Страйк».
Пасля пачатку поўнамаштабнага ўварвання Расіі ва Украіну Роўлінг забараніла перакладаць свае кнігі на рускую мову, а па-беларуску яе дэтэктывы, якія ў XXI стагоддзі сталі залатым эталонам крымінальнага жанру, не выходзяць.
Чытайце таксама:
Ці выйдуць апошнія дэтэктывы Роўлінг і Несбё па-беларуску?
Кніга ўнука выхадцаў з Беларусі займае пятае месца ў топ-100 найлепшых дэтэктываў свету
