ВУП Літвы, што летась быў ўпаў на 15,2%, сёлета ўпадзе яшчэ на 0,5%. Але, паводле прагнозаў Еўрапейскага банка рэканструкцыі і развіцця, што быў апублікаваны ўчора, гэта будзе самы малы спад эканомікі ў краінах Балтыі.
Як сцвярджае банк, спад эканомікі Латвіі ў гэтым годзе складзе 2%, Эстоніі - 1,8%. А летась, паводле ацэнак банкаўскіх аналітыкаў, спады ВУП Латвіі і Эстоніі склалі 17,9% і 14,7% адпаведна.
Аднаўленне эканомік краін Балтыі павінна пачацца ў 2011 годзе. Прагназуецца, што ў наступным годзе рост ВУП Літвы складзе 2,3%, Латвіі — 2,5%, а Эстоніі — 2,7%.
Паводле ацэнкі банка, сукупны спад эканомік краінаў Цэнтральнай Еўропы і Балтыі ў гэтым годзе складзе 1,4%, а супольны рост эканомікі рэгіёну ў наступным годзе будзе блізу 2,8%.
Апроч краін Балтыі ў гэтым годзе ў рэгіёне эканамічны спад будзе назірацца толькі ў Венгрыі (0,6%), а самы хуткі рост будзе дэманстраваць эканоміка Славаччыны — 2,8%.
0
0
0
0
0
0
