U subotu Mikałaj Statkievič patelefanavaŭ rodnym z turmy. Heta — dzieviaty zvanok za hod.
«Nastroj u jaho dobry, hołas badziory, — paviedamiła žonka palitviaźnia Maryna Adamovič. — Skazaŭ, što šmat čytaje. zajmajecca sportam, padćvierdziŭ, što naprykancy listapada jaho susied pa kamiery Andrej Vasiljeŭ napisaŭ prašeńnie ab pamiłavańni paśla 11 hod źniavoleńnia. Taksama raspavioŭ, što paśla majoj sustrečy z načalnikam turmy jamu pieradali Pastanovu Savieta Ministraŭ № 1564,
Akramia taho Mikałaj Statkievič paviedamiŭ, što da kanca hoda, mahčyma, adbudziecca pasiedžańnie turemnaj kamisii, jakaja pierahladaje režym utrymańnia. «Kaniešnie, toje što kamisija źbiarecca, jašče nie aznačaje, što režym budzie pierahledžany, ale, kali takoje zdarycca, to heta aznačaje mahčymaść jašče adnaho spatkańnia na praciahu hoda, i navat adnu charčovuju pieradaču»- zaznačyła žonka.
Mikałaj Statkievič prasiŭ pieradać padziaku ŭsim, chto jaho padtrymlivaje.
