«Oskara» atrymała «Apieracyja «Arha». Film u Minsku nie pakažuć 11

Ben Aflek.

Denieł Dej-Ljuis - najlepšaja mužčynskaja rola («Linkaln»)

Dženifier Łoŭrens, pieramožca naminacyi za najlepšuju žanočuju rolu («Moj chłopiec - psich»), vychodziačy na scenu, pavaliłasia.

Najlepšym filmam staŭ film «Apieracyja «Arha» Bena Afleka (razam z Hrantam Chiesłavam i Džordžam Kłuni) pra vyzvaleńnie amierykanskich zakładnikaŭ u Tiehieranie ŭ 1979 h.

Pieramožcu abviaściła pa videasuviazi žonka prezidenta ZŠA Mišel Abama.

Cikava, što minski kinaprakat u svoj čas nie kupiŭ hety film, jaki vyjšaŭ u prakat uvosień, i ŭ bližejšyja tydni jaho nie pakažuć u staličnych kinateatrach.

Najlepšym akcioram pryznany Denieł Dej-Ljuis — vykanaŭca roli Aŭraama Linkalna ŭ adnajmiennym filmie Styviena Śpiłbierha.

Najlepšaj aktrysaj stała Dženifier Łoŭrens («Moj chłopiec — psich»).

* * *

«Oskara» za najlepšyja roli druhoha płana atrymali Krystof Valc «Džanha vyzvaleny» Kvencina Tarancina i En Cheteŭej («Adrynutyja» Toma Chupiera). Tarancina pieramoh i jak najlepšy scenaryst.

U naminacyi «Najlepšy zamiežny film» pieramahło «Kachańnie» Michaela Chaniekie.

Multfilm «Śmiełaja sercam» atrymaŭ «Oskar» jak najlepšaja paŭnamietražnaja animacyjnaja stužka. «Hanna Karenina» Džo Rajta — za najlepšuju pracu kaściumieraŭ, «Adrynutyja» — za najlepšy hrym.

«Najlepšaj pieśniaj» stała Skyfall, najlepšy režysior Enh Li («Žyćcio Pi»).

Trejler «Apieracyi «Arha»

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH