Ab svajoj hatoŭnaści nazaŭždy pierasialicca na Mars zajavili bolš za 200 tysiač čałaviek z usiaho śvietu, paviedamili pradstaŭniki prajekta «Mars Adzin».
Inicyjatyŭnaja hrupa źbirałasia arhanizavać pastajannuju bazu na Čyrvonaj płaniecie, kali znojducca astranaŭty, hatovyja pajści na ryzykoŭnaje siamimiesiačnaje padarožža.
Pa słovach adnaho z arhanizataraŭ, inžyniera z Hałandyi, meta prajekta składajecca ŭ tym, kab da 2023 adpravić na Mars kala 40 čałaviek.
Apłačvać padarožža, jak čakajecca, buduć sponsary i kantrakty z telebačańniem.
Kaśmičnyja ahienctvy ŭžo zajavili, što technałohij, z dapamohaj jakich možna stvaryć kałoniju ludziej na Marsie, nie isnuje.
Da hetaha času da Čyrvonaj płaniecie adpraŭlalisia tolki bieśpiłotnyja misii. NASA paviedamlała pra svoj namier adpravić na Mars čałavieka pryblizna praz 20 hadoŭ.
