Biełaruś pakul nie hatovaja da admieny raźmierkavańnia vypusknikoŭ, zajaviŭ na sustrečy sa studentami i aktyvistami Biełaruskaha respublikanskaha sajuza moładzi 9 kastryčnika ŭ Miensku pieršy sakratar Centralnaha kamiteta BRSM Ihar Buzoŭski.
Bolš za toje, pa jaho słovach, moładź padtrymlivaje abaviazkovuju adpracoŭku.
«Majučy znosiny z kalektyvami, i nie tolki ŭ Minsku, ale i ŭ rehijonach, my bačym, što moładź padtrymlivaje raźmierkavańnie. Heta daloka nie najhoršy varyjant u našym adukacyjnym pracesie», - zajaviŭ Buzoŭski.
Admianiać raźmierkavańnie zaŭčasna, ličyć pieršy sakratar CK BRSM, adnak u budučyni moža prapracoŭvacca varyjant uviadzieńnia raźmierkavańnia pa žadańni.
Varta adznačyć, što biełaruskija pravaabaroncy pryličajuć raźmierkavańnie da prymusovaj pracy, što parušaje pravy čałavieka.
