Palicyja Čarlstana ŭ štacie Paŭdniovaja Karalina pravodzić apieracyju pa pošuku maładoha čałavieka, jaki ŭčyniŭ stralaninu ŭ carkvy i zabiŭ dzieviać čałaviek.
Adnoj z achviaraŭ napadu staŭ člen sienata štata Paŭdniovaja Karalina Klimienta Pinkni, jaki taksama byŭ pastaram hetaj carkvy. Pinkni i inšyja čarnaskuryja pastary ŭdzielničali ŭ arhanizacyi akcyj pratestu i pamiaci paśla zabojstva miascovaha afraamierykanca Uołtara Skota biełym palicyjantam. Heta zabojstva razam ź incydentami ŭ Fierhiusanie i Bałtymory stała adnoj z pryčyn aktyŭnaha abmierkavańnia palicejskaha hvałtu ŭ adnosinach da afraamierykancaŭ.
Viadoma, što padazravany - bieły mužčyna, jakomu prykładna 21 hod. Stralba adbyłasia ŭ zasnavanaj jašče ŭ XIX stahodździ mietadysckaj carkvie Emanuel, jakuju naviedvajuć pieravažna členy afraamierykanskaj supolnaści Čarlstana.
Miascovaja palicyja praviaraje paviedamleńnie pra bombu na miescy złačynstva.
Kandydat u prezydenty ZŠA Džeb Buš užo pryniaŭ rašeńnie ab admienie pieradvybarnych mierapryjemstvaŭ, jakija byli namiečany na siońnia ŭ Čarlstanie.