Narodny artyst SSSR, a ciapier deputat Dziarždumy RF Iosif Kabzon, jaki padtrymaŭ anieksiju Kryma, uspomniŭ, što naradziŭsia va Ukrainie i zajaviŭ, što pajechaŭ by na «Jeŭrabačańnie-2017», kali b nie sankcyi, piša RIAN.
Reuters
«Ja ž pad ukrainskimi sankcyjami. Ale ja b nie spałochaŭsia, ja b pajechaŭ, viadoma, kali b sankcyi ź mianie źniali», — śćviardžaje Kabzon.
Pry hetym jon zajaviŭ, što Ukraina — jaho radzima i jon hatovy śpiavać na ŭkrainskaj movie.
Paviedamlajecca, što adpravić na konkurs 2017 hoda Kabzona napiaredadni prapanavaŭ deputat Dziarždumy ad KPRF Valeryj Raškin. Pry hetym kamunist zaklikaŭ bajkatavać šou, kali Kijeŭ zabaronić jamu ŭjezd.
Nahadajem, Iosif Kabzon u lutym minułaha hoda zajaviŭ, što rady akazacca ŭ sankcyjnym śpisie Jeŭrasajuza, źviazanym z anieksijaj Kryma i ahresijaj na Danbasie. Sam Kabzon vystupaŭ u akupavanych Daniecku i Łuhansku. Jak viadoma, SBU zabaraniła ŭjezd va Ukrainu cełamu šerahu rasijskich artystaŭ, jakija padtrymali anieksiju Kryma.
