110 kandydataŭ, jakija buduć «abranyja» ŭ parłamient

Centrvybarkam zarehistravaŭ kala 500 kandydataŭ u deputaty.

Sens parłamienckaj kampanii — abrać ź ich 110 čałaviek. Jak śviedčyć praktyka apošnich dziesiacihodździaŭ — patrebnych uładzie 110 čałaviek.

Jašče dva miesiacy tamu «Naša Niva» skłała prahnoz na vyniki vybaraŭ. My śviadoma pisali śpisy budučych deputataŭ jašče da zakančeńnia terminu padačy zajavak. Sprava ŭ tym, što pavodle łohiki ideałohaŭ, adkaznych za farmiravańnie parłamienta, narodny abrańnik pavinien jak minimum parazmaŭlać sa svaimi vybarcami. To bok prajści praz zbor podpisaŭ. A ŭ ideale — padmacavacca padtrymkaj pracoŭnych kalektyvaŭ.

Varta nahadać pra niekalki źmienaŭ u paraŭnańni ź pieršasnym śpisam. Bolšaść z hetych historyj krasamoŭnyja.

1. Adrazu paśla publikacyi ŭ «NN» «prahnozu» terminova adklikaŭ svaju zajaŭku supracoŭnik Vajskovaj akademii Alaksandr Płavinski. Tamu kandadatam ad ułady pa Vilejskaj akruzie №74 zastałasia dyrektarka miascovaj himnazii.

2. Padobnaja situacyja zdaryłasia i ŭ Hrodnie. My padazravali, što ŭłada zrobić staŭku na dyrektara Upraŭleńnia kapitalnaha budaŭnictva Anatola Urubleŭskaha. Adnak nasamreč kandydatkaj ad viertykali vyjaviłasia dyrektarka škoły Lilija Kirjak — mienavita ź joj stała ładzić hutarki abłasnaja hazieta. Kab vybarcy vypadkova nie pierabłytali, Urubleŭski nie dajšoŭ da rehistracyi.

3. Niespadziavanka atrymałasia z Alenaj Anisim — na jaje akruzie «pa stanie zdaroŭja» źniałasia dyrektarka Niaśvižskaha kaledža. Tamu, mahčyma, namieśnica staršyni Tavarystva biełaruskaj movy maje šaniec trapić u parłamient. Ale ŭłady mohuć rabić tut staŭku i na dyrektarku małoj viaskovaj škoły.

4. U Minsku na akruzie Alesia Łahvinca (źniataha z vybaraŭ za «praźmiernuju» aktyŭnaść) supierničajuć dyrektar škoły i dyrektarka himnazii. Aboje ad pačatku byli paznačanyja jak pradstaŭniki praŭładnaj Kampartyi. Adnak paśla dyrektarka himnazii ŭziała dadatkovuju padtrymku pracoŭnaha kalektyva i chucieńka vyjšła z partyi — vidać, kab nie pieravyšać kvotu na ŭchvalenych kamunistaŭ.

5. Situacyja z kandydatami ad ŁDPB zabłytałasia kančatkova. Staršynia partyi ŭ parłamient nie idzie, bałatujucca troje jaho namieśnikaŭ — Aleh Hajdukievič, Jaŭhien Kryžanoŭski i Anatol Chiščanka.

Hajdukievič-syn i Kryžanoŭski navat nie sabrali patrebnuju kolkaść hałasoŭ vybarcaŭ i vyłučajucca tolki pa partyjnym śpisie — hetaha pa sioletnich realijach niedastatkova. Da taho ž Hajdukieviču-synu niečakana padkinuli kankurenta ŭ vyhladzie ambasadara Valera Varanieckaha. Pasły prosta tak na vybary nie chodziać.

Tamu adzinym mahčymym deputatam ad ŁDPB my ličym Anatola Chiščanku, jakomu supraćstaić usiaho tolki namieśnica dyrektara viaskovaj škoły.

6. Bitva hihantaŭ palityčnaj dumki čakałasia ŭ Sieńnicy. Tut mielisia zmahacca Vasil Zadniaprany i «ataman» Mikałaj Ułachovič. U kožnaha ź ich jość svaja kišennaja partyja.

Adnak Ułachovič, u adroźnieńnie ad svajho «kalehi», nibyta źbiraŭ podpisy vybarcaŭ, tamu my ličym, što pieramoža mienavita jon.

Urešcie rešt Zadniaprany źniaŭsia z vybaraŭ.

7. U akruhach, jakija abjadnoŭvajuć niekalki rajonaŭ, časam idzie boj za prasoŭvańnie «svaich». U Kryčaŭskaj akruzie zmahajucca hałoŭny sanitarny doktar Čerykaŭskaha rajona i kiraŭnica kryčaŭskaj «Biełaj Rusi». Stavim na apošniuju ź ich, bo jana i sabrała podpisy, i vyłučyłasia pracoŭnym kalektyvam.

8. Prychilniki Taćciany Karatkievič spadziajucca, što jaje prapuściać u deputaty, adkinuŭšy načalnika stancyi «Minsk-Pasažyrski». Tym nie mienš, municypalnaja presa pijaryć mienavita jaho.

Takim čynam, imaviernyja budučyja deputaty pałaty pradstaŭnikoŭ.

akruha	imia	pasada
1	Bryč Leanid Ryhoravič	hienieralny dyrektar AAT «Bieraściejski piekar»
2	Miłašeŭski Valancin Stanisłavavič	deputat Pałaty pradstaŭnikoŭ
3	Daško Anatol Michajłavič	hałoŭny doktar Bresckaha abłasnoha raddoma
4	Bazanaŭ Uładzimir Alaksandravič	deputat Pałaty pradstaŭnikoŭ
5	Palityka Volha Siarhiejeŭna	deputat Pałaty pradstaŭnikoŭ
6	Jakubovič Taćciana Ramanaŭna	pieršy prarektar Baranavickaha dziaržaŭnaha ŭniviersiteta
7	Cupryk Leanid Alaksandravič	namieśnik staršyni Bresckaha abłvykankama
8	Staciŭka Žanna Uładzimiraŭna	namieśnik staršyni kamiteta pa pracy, zaniatasci i sacyjalnaj abaronie Bresckaha abłvykankama
9	Kačyna Leanid Ivanavič	hałoŭny inžynier AAT «Biarozaŭski syrarobny kambinat»
10	Darahakupiec Juryj Ivanavič	deputat Pałaty pradstaŭnikoŭ
11	Tkačuk Anatol Uładzimiravič	staršynia Ivacevickaha rajvykankama
12	Dziemidovič Vasil Mikałajevič	dyrektar Kobrynskaha dziaržaŭnaha politechničnaha kaledža
13	Nievar Ihar Leanidavič	hałoŭny doktar Łuninieckaj centralnaj rajonnaj balnicy
14	Kołb Ihar Michajłavič	dyrektar Himnazii №3 Pinska
15	Rabkaviec Ivan Ryhoravič	dyrektar Pinskaha aŭtobusnaha parka
16	Babałovič Alaksandr Siarhiejevič	načalnik KUP «Brestabłdarbud» filijał «Stolinskaha DRBU-141»
17	Starynskaja Taćciana Alaksandraŭna	dyrektar Terytaryjalnaha centra sacyjalnaha absłuhoŭvańnia nasielnictva Pieršamajskaha rajona Viciebska
18	Zańko Siarhiej Mikałajevič	zahadčyk kafiedry akušerstva i hiniekałohii Viciebskaha dziaržaŭnaha miedycynskaha ŭniviersiteta
19	Čakan Vasil Ivanavič	načalnik Departamienta pa materyjalnych reziervach Ministerstva pa nadzvyčajnych situacyjach
20	Cacocha Alaksandr Uładzimiravič	deputat Pałaty pradstaŭnikoŭ
21	Miraš Viktar Vikienćjevič	pieršy namieśnik dyrektara AAT «Viciebskaja brojlernaja ptuškafabryka»
22	Andrejčanka Uładzimir Paŭłavič	Staršynia Pałaty pradstaŭnikoŭ
23	Martynaŭ Ihar Fieliksavič	vajenny kamisar Viciebskaj vobłaści
24	Dzieviatoŭski Vadzim Anatoljevič	deputat Pałaty pradstaŭnikoŭ
25	Dabrynina Ludmiła Anatoljeŭna	deputat Pałaty pradstaŭnikoŭ
26	Čudovič Vital Iharavič	načalnik łakamatyŭnaha depo Oršy
27	Hujvik Natalla Vasiljeŭna	deputat Pałaty pradstaŭnikoŭ
28	Junicyn Andrej Jurjevič	načalnik Połackaha zanalnaha vuzła elektrasuviazi Viciebskaha filijała RUP «Biełtelekom»
29	Ziamčonak Siarhiej Ryčardavič	dyrektar AAT «Pastavymebla»
30	Łukašoŭ Anatol Ivanavič	staršynia Dubrovienskaha rajvykankama
31	Korž Ivan Alaksiejevič	načalnik Instytuta nacyjanalnaj biaśpieki
32	Šyłaŭ Vital Piatrovič	namieśnik dyrektara pa ideałahičnaj rabocie i kiravańni piersanałam AAT «Homielski ZŁiN»
33	Leŭšunoŭ Aleh Fiodaravič	deputat Pałaty pradstaŭnikoŭ
34	Ždanovič Pavieł Leanidavič	dyrektar Homielskaha abłasnoha muzieja vajennaj słavy
35	Hurski Dźmitryj Michajłavič	namieśnik hiendyrektara - dyrektar zavoda KKD AAT «Homielski domabudaŭničy kambinat»
36	Astapiuk Alena Ivanaŭna	deputat Pałaty pradstaŭnikoŭ
37	Navumčyk Ała Alaksandraŭna	deputat Pałaty pradstaŭnikoŭ
38	Vasilkoŭ Mikałaj Andrejevič	načalnik upraŭleńnia achovy zdaroŭja Homielskaha abłvykankama
39	Kralevič Iryna Mikałajeŭna	prarektar pa navukovaj rabocie Mazyrskaha dziaržaŭnaha piedahahičnaha ŭniviersiteta
40	Dziačenka Viačasłaŭ Ivanavič	hałoŭny śpiecyjalist Biełaruskaha mietałurhičnaha zavoda
41	Adamienka Jaŭhien Bunisłavavič	staršynia Mazyrskaha rajvykankama
42	Rasocha Mikałaj Fiodaravič	deputat Pałaty pradstaŭnikoŭ
43	Pisanik Leanid Fiodaravič	staršynia Jelskaha rajvykankama
44	Pirštuk Balasłaŭ Kazimiravič	namieśnik staršyni Homielskaha abłvykankama
45	Ščepaŭ Uładzisłaŭ Alaksandravič	deputat Pałaty pradstaŭnikoŭ
46	Filipovič Halina Vasiljeŭna	deputat Pałaty pradstaŭnikoŭ
47	Čakan Śviatłana Uładzisłavaŭna	deputat Pałaty pradstaŭnikoŭ
48	Siahodnik Alaksandr Ivanavič	deputat Pałaty pradstaŭnikoŭ
49	Pacevič Siarhiej Lavonćjevič	načalnik hałoŭnaha ŭpraŭleńnia arhanizacyjna-kadravaj raboty Hrodzienskaha abłvykankama
50	Rusak Viktar Ramualdavič	načalnik adździeła sacyjalnaha raźvićcia AAT «Hrodna Azot»
51	Kirjak Lilija Vacłavaŭna	dyrektar škoły №13 Hrodna
52	Daŭhašej Tamara Siarhiejeŭna	hałoŭny doktar Hrodzienskaha abłasnoha kliničnaha kardyjałahičnaha centra
53	Litvin Siarhiej Ivanavič	dyrektar Skidalskaha dziaržaŭnaha sielskahaspadarčaha prafiesijnaha liceja
54	Markievič Alaksandr Ivanavič	načalnik Smarhonskaj pamiežnaj hrupy
55	Navumovič Andrej Mikałajevič	deputat Pałaty pradstaŭnikoŭ
56	Michnievič Valancin Uładzimiravič	pieršy namieśnik ministra ŭnutranych spraŭ - načalnik kryminalnaj milicyi
57	Papko Volha Mikałajeŭna	dyrektar muzieja «Zamkavy kompleks «Mir»
58	Sopikava Ała Mikałajeŭna	deputat Pałaty pradstaŭnikoŭ
59	Kavalko Adam Dźmitryjevič	staršynia Astravieckaha rajvykankama
60	Saŭko Valeryj Iosifavič	staršynia Hrodzienskaj abłasnoj arhanizacyi prafsajuza rabotnikaŭ dziaržaŭnych i inšych ustanoŭ
61	Atroščanka Piatro Alaksiejevič	namieśnik načalnika Upraŭleńnia KDB pa Minsku i Minskaj vobłaści
62	Barańnik Vasil Michajłavič	dyrektar «Hradabudaŭnik», Barysaŭ
63	Krasoŭskaja Tamara Piatroŭna	deputat Pałaty pradstaŭnikoŭ
64	Zabłocki Dźmitryj Vasiljevič	namieśnik hienieralnaha dyrektara pa jakaści i standartyzacyi vytvorčaści BiełAZ
65	Hajdukievič Valeryj Uładzimiravič	deputat Pałaty pradstaŭnikoŭ
66	Niževič Ludmiła Ivanaŭna	namieśnik ministra sielskaj haspadarki i charčavańnia
67	Ražaniec Valancina Vitaljeŭna	hałoŭny redaktar haziety «Słucki kraj» i radyjo «Viestki Słuččyny»
68	Rybak Andrej Anatoljevič	namieśnik hienieralnaha dyrektara pa kamiercyjnych pytańniach i łahistycy AAT «Biełaruśkalij»
69	Muryna Julija Hieorhijeŭna	dyrektar Salihorskaha rajonnaha terytaryjalnaha centra sacyjalnaha absłuhoŭvańnia nasielnictva
70	Anisim Alena Mikałajeŭna	namieśnica staršyni Tavarystva biełaruskaj movy
71	Łobač Juryj Alaksandravič	Hienieralny dyrektar AAT «Darbudindustryja»
72	Kananovič Ludmiła Mikałajeŭna	namieśnik staršyni Maładziečanskaha rajvykankama
73	Markievič Ivan Stanisłavavič	kiraŭnik spraŭ Minskaha abłvykankama
74	Žybul Natalla Piatroŭna	dyrektar Vilejskaj himnazii №1 «Łohas»
75	Vabiščevič Piotr Andrejevič	staršynia Łahojskaha rajonnaha Savieta deputataŭ
76	Ułachovič Mikałaj Dźmitryjevič	namieśnik staršyni Minabłspažyŭsajuza
77	Kursievič Valancina Vacłavaŭna	doktar-kardyjołah, zahadčyk kardyjałahičnaha adździaleńnia 2-j haradskoj kliničnaj balnicy Minska
78	Ryniejskaja Iryna Mikałajeŭna	načalnik upraŭleńnia adukacyi, sportu i turyzmu Babrujskaha harvykankama
79	Ułasievič Vital Eduardavič	načalnik zboračnaha cecha №2 zavoda masavych šyn AAT «Biełšyna»
80	Kanančuk Ihar Paŭłavič	dyrektar AAT «Babulin hlečyk»
81	Kanančuk Taćciana Piatroŭna	deputat Pałaty pradstaŭnikoŭ
82	Koleśnieva Alena Piatroŭna	prarektar pa vučebnaj rabocie Biełaruskaj dziaržaŭnaj sielskahaspadarčaj akademii
83	Maračkava Taćciana Barysaŭna	staršynia Kryčaŭskaha savieta deputataŭ
84	Marzaluk Ihar Alaksandravič	zahadčyk kafiedry archieałohii Mahiloŭskaha dziaržaŭnaha ŭniviersiteta
85	Staravojtaŭ Alaksandr Hienadzievič	hałoŭny doktar Mahiloŭskaj centralnaj palikliniki
86	Pietrašova Volha Uładzimiraŭna	namieśnik staršyni Mahiloŭskaha abjadnańnia prafsajuzaŭ
87	Sałaŭjoŭ Piotr Alaksandravič	hałoŭny inžynier AAT «Mahiloŭchimvałakno»
88	Chiščanka Anatol Piatrovič	namieśnik staršyni Libieralna-demakratyčnaj partyi
89	Kałtunoŭ Mikałaj Anisimavič	deputat Pałaty pradstaŭnikoŭ
90	Hobaraŭ Dźmitryj Dźmitryjevič	pamočnik prezidenta — hałoŭny inśpiektar pa Bresckaj vobłaści
91	Niachajčyk Aksana Uładzimiraŭna	deputat Pałaty pradstaŭnikoŭ
92	Kursievič Valeryj Viktaravič	dyrektar rysornaha zavoda AAT «MAZ»
93	Baradzienia Valeryj Anatoljevič	deputat Pałaty pradstaŭnikoŭ
94	Varaniecki Valeryj Iosifavič	pasoł u Aŭstryi
95	Sajhanava Taćciana Ivanaŭna	namieśnik hienieralnaha dyrektara AAT «Kandytarskaja fabryka «Kamunarka»»
96	Klimovič Natalla Anatoljeŭna	deputat Pałaty pradstaŭnikoŭ
97	Drožža Alaksandr Siarhiejevič	načalnik stancyi «Minsk-Pasažyrski»
98	Kamaroŭski Ihar Siarhiejevič	dyrektar AAT «Minski vahonaramontny zavod»
99	Makaryna-Kibak Ludmiła Eduardaŭna	hałoŭny ŭrač RNPC otarynałarynhałohii
100	Hajduk Aksana Viačasłavaŭna	namieśnik hienieralnaha dyrektara DVA «Harramaŭtadar Minharvykankama»
101	Staravojtava Hanna Valancinaŭna	dyrektar himnazii №31 Minska
102	Kubrakova Ludmiła Piatroŭna	deputat Pałaty pradstaŭnikoŭ
103	Misiaviec Vital Ryhoravič	staršynia Frunzienskaj rajonnaj arhanizacyi RHA «Biełaja Ruś»
104	Miłavanaŭ Michaił Viačasłavavič	namieśnik dyrektara Muzieja historyi Minska
105	Darafiejeva Iryna Arkadźjeŭna	zahadčyk kafiedry Biełaruskaha dziaržaŭnaha ŭniviersiteta kultury i mastactvaŭ»
106	Šaŭcoŭ Dźmitryj Jaŭhienavič	deputat Pałaty pradstaŭnikoŭ
107	Sokał Alaksiej Uładzimiravič	pieršy namieśnik hienieralnaha dyrektara AAT «CUM»
108	Łakiza Vadzim Leanidavič	namieśnik dyrektara Instytuta historyi Akademii navuk
109	Bobrykaŭ Siarhiej Valancinavič	načalnik Vajskovaj akademii
110	Zacharava Łada Ivanaŭna	dyrektarka himnazii №5