Supracoŭnikami adździeła kryminalnaha vyšuku Zavodskaha RUUS h. Minska adšukvajucca troje chłopcaŭ i dziaŭčyna, jakija źbili pažyłoha mužčynu.
Zdaryłasia ŭsio ŭ tralejbusie maršrutu №3, jaki ruchaŭsia pa Partyzanskim praśpiekcie ŭ kirunku čyhunačnaha vakzała.
Pozna ŭviečary paciarpieły razam z žonkaj viartaŭsia dadomu. Na adnym z prypynkaŭ u tralejbus zajšła kampanija — chłopcy i dziaŭčyna. Pavodzili jany siabie aburalna, hučna słuchali muzyku.
Mužčyna zrabiŭ im zaŭvahu, što vyklikała mocnaje abureńnie moładzi. Chłopcy prosta źbili jaho na vačach u žonki.
«U vyniku mužčyna atrymaŭ cialesnyja paškodžańni spačatku ŭ tralejbusie, potym na prypynku «Aŭtazavodskaja», — paviedamlaje pres-słužba HUUS Minharvykankama.
Ciapier milicyja šukaje ahresiŭnych pasažyraŭ.
Dziaŭčyna: na vyhlad kala 25 hadoŭ, rost 170—175 sm, mažnaha ciełaskładu, vałasy doŭhija, farbavanyja ŭ bieły koler z adcieńniem žoŭtaha. Była apranuta ŭ prytalenuju čornuju spartyŭnuju vopratku, na nahach šłapaki, pry sabie mieła sumačku praź plačo biełaha koleru.
Pieršy chłopiec: na vyhlad 16—20 hadoŭ, rost 180 sm, chudarlavaha ciełaskładu, vałasy śvietła-rusyja siaredniaj daŭžyni. Byŭ apranuty: čornaja z karotkim rukavom majka z nadpisam na hrudziach biełaha koleru, ciomna-sinija džynsavyja šorty, krasoŭki siniaha koleru z łahatypam «Najk», pry sabie mieŭ zaplečnik čornaha koleru z nadpisam biełaha koleru «Najk» i łahatypam «Najk».
Druhi chłopiec: na vyhlad 16—20 hadoŭ, rost 170—175 sm, chudarlavaha ciełaskładu, vałasy karotkija ciomnyja. Byŭ apranuty ŭ bajku čornaha koleru z doŭhim rukavom z nadpisam na hrudziach biełaha koleru, čornyja šorty, čornyja krasoŭki z tryma biełymi pałosami pa bakach. Pry sabie mieŭ zaplečnik čornaha koleru.
Treci chłopiec: na vyhlad 16—20 hadoŭ, rost 170—175 sm, chudarlavaha ciełaskładu, vałasy siaredniaj daŭžyni rusyja. Byŭ apranuty: majka ciomna-siniaha koleru typu futbołka, z karotkim rukavom, na pravym baku plača futbołki majecca ličba 3 žoŭtaha koleru, čyrvonyja šorty ź nievialikimi ŭstaŭkami pa bakach čornaha koleru, krasoŭki z łahatypam «Najk». Pry sabie mieŭ skuranuju čyrvonuju sumku.
Kali chtości paznaŭ hetych maładych ludziej albo byŭ vidavočcam ci śviedkam zdareńnia, milicyja prosić źviartacca ŭ Zavodskaje RUUS asabista abo pa telefonie: 8 (029) 149-99-90.
