Chevrolet Corvette 1976 hoda vypusku, vystaŭleny na aŭkcyjon u RB.
Aŭtamabil, niekali kanfiskavany na litoŭska-biełaruskaj miažy (jon pravoziŭ kantrabandu), pradavaŭsia niekalki miesiacaŭ, piša av.by.
I voś ciapier jaho staronka na sajcie kanfiskatu adsutničaje: mašyna pajšła z małatka.
Zhodna z vynikami realizacyi aŭtatranspartu praz aŭkcyjony za z 1 pa 27 krasavika 2024-ha, apublikavanymi na konfiskat.by, 48-hadovy «Šeŭrale» pry pastupleńni na tarhi byŭ acenieny ŭ 166 500,00 rubloŭ. Pradadzieny ž jon za 96 153,75 rubloŭ pry pačatkovym košcie 91 575,00 rubla.
Hety aŭtamabil — uzor treciaha pakaleńnia lehiendarnaj spartyŭnaj madeli z 5,7-litrovym ruchavikom pad kapotam. U łocie adznačałasia, što prabieh «karvieta» składaje ŭsiaho 77 562 km. U inšamarki, jak vynikała z apisańnia, mielisia skoły i drapiny.
Čytajcie taksama:
Žychar Babrujska kupiŭ braniavik-amfibiju i kataje na im siamju
