Makiet kompleksa «Paŭnočny bierah». Fota: «Anłajnier»
Pavodle słoŭ zabudoŭščyka, kompleks budujuć zhodna z raniej zaćvierdžanym hrafikam i płanam. Pry hetym praciahvajuć prajektavać dziciačy sad i škołu, uzvodziać Minski mižnarodny vystavačny centr.
U kampanii adznačyli, što jany «finansava stabilnyja i vałodajuć dastatkovymi ekanamičnymi i inžyniernymi resursami dla paśpiachovaj pracy nad prajektam na mnohija hady napierad».
U krasaviku ahienctva Reuters sa spasyłkaj na «ludziej, znajomych z pytańniem» paviedamiła, što kiraŭnik kampanii Emaar Properties z Abjadnanych Arabskich Emirataŭ Machamied Ali Ałabar pradaje biełaruski biznes. Raniej jon płanavaŭ inviestavać 4 młrd dalaraŭ u prajekt «Paŭnočny bierah». Pryčyny sychodu — sankcyi i žadańnie Emaar Properties papracavać na jeŭrapiejskim rynku, u pryvatnaści ŭ Sierbii.
Budaŭnictva «Paŭnočnaha bieraha» raźličana na 20 hadoŭ. U kompleksie ŭ tym liku chočuć uźvieści 6 młn kv. mietraŭ žylla, vystavačny centr i Instytut štučnaha intelektu.
Čytajcie taksama:
U Minsku kala Cnianskaha vadaschovišča araby pabudujuć park ź biełaruskimi asablivaściami