Zdareńnie adbyłosia na stancyi Pryjamina. Tam u kramu ŭvarvaŭsia mužčyna z bałončykam dychłafosu. Jon raspyliŭ u vočy pradaŭca, paśla čaho, skarystaŭšysia zamiašańniem žančyny, skraŭ z pryłaŭka butelku vina.
Adnak pracaŭnica kramy nie razhubiłasia i adrazu stała telefanavać znajomamu, jaki pracuje hruzčykam u inšaj kramie niepadalok.
Złamyśnik, pačuŭšy zvanok, schapiŭ nož z pryłaŭka i patrabavaŭ zaviaršyć razmovu. Paśla hetaha rabotnica śpiešna pakinuła handlovy abjekt, uśled za joj vyjšaŭ i nalotčyk.
Na dapamohu žančynie padaśpieŭ pryjaciel, jakomu jana paśpieła patelefanavać. Jon źbiŭ mužčynu z noh niedaloka ad miesca zdareńnia i zatrymapŭ jaho.
Jak ustanavili apieratyŭniki Zaharadnaha adździeła milicyi Barysaŭskaha RUUS, zatrymany 64-hadovy žychar Tałačynskaha rajona raniej nieadnarazova traplaŭ u pole zroku milicyi. Svaje dziejańni jon tłumačyŭ tym, što jamu chaciełasia vypić śpirtnoha, a hrošaj nie było. Tym dniom jon na elektryčcy pryjechaŭ na stancyju Pryjamina, prychapiŭšy z saboj bałončyk dychłafosu.
Čytajcie taksama:
16-hadovaja školnica trapiła ŭ reanimacyju paśla viečarynki ŭ Homielskim rajonie
U Minsku za prastytucyju zatrymali 14-hadovuju školnicu
U Zelvie zabili mužčynu i jaho 83-hadovuju maci i skrali siejf
