31 śniežnia arhanizavanaja hrupoŭka, členy jakoj byli niadaŭna zatrymanyja ŭ Babrujsku za arhanizacyju vybucha, płanavała ździejśnić čarhovuju padobnuju akcyju ŭ Homieli.
Pra heta paviedamiŭ na svajoj siońniašniaj pres‑kanfierencyi načalnik UUS Mahiloŭskaha abłvykankama Fiodar Balejka.
Aficyjnaj infarmacyi pra hetuju padzieju vobmal, bo jašče viadziecca śledstva. Na pres‑kanfierencyi było ahučana tolki, što ŭ skład hrupoŭki ŭvachodzili try žychary Babrujska, a taksama žychary Homiela i Lidy — usie jany raniej nie asudžalisia.
Na haradskoj kvatery i na dačy adnaho z udzielnikaŭ hrupoŭki supracoŭniki milicyi znajšli cełuju padpolnuju chimičnuju łabaratoryju pa vyrabie vybuchoŭki.
Nahadajem, što 4 śniežnia ŭ Babrujsku byli zatrymanyja dva miascovyja žychary za padryŭ samarobnaha vybuchovaha prystasavańnia. Heta adbyłosia na adnoj z centralnych vulic horada, vulicy Karła Marksa viečaram, kala 7‑mi hadzin. Adrazu paśla zdareńnia milicyja zatrymała dvuch čałaviek, 40 i 21 hodu. Zaviedzienaja kryminalnaja sprava pavodle artykuła 339 častka 3 KK — «Asabliva złosnaje chulihanstva».